ჯულიეტა რუხაძე

დაბადების ადგილი: ქ. ფოთი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1942 წელს.

1942-1945 წწ. მუშაობდა მასწავლებლად;1945 წელს გიორგი ჩიტაიას რეკომენდაციით ივანე ჯავახიშვილის სახელობის ისტორიის ინსტიტუტის თანამშრომელი გახდა, სადაც მეცნიერის ყველა საფეხური გაიარა უმცროსი მეცნიერი თანამშრომლიდან განყოფილების გამგემდე; მისი მეცნიერული კვლევის თვალსაწიერი ფართო და მრავალმხრივი იყო; განუსაზღვრელია მისი როლი, როგორც ქართველი ხალხის სამეურნეო ყოფისა და მატერიალური კულტურის საკითხებზე მომუშავე მეცნიერისა; ქართველი ხალხის, კერძოდ დასავლეთ საქართველოს სამიწათმოქმედო ყოფის ისტორიას მან მიუძღვნა მონოგრაფიული გამოკვლევა "ხალხური აგრიკულტურა დასავლეთ საქართველოში", ეს გამოკვლევა გაფართოების შემდეგ მის სადოქტორო დისერტაციად იქცა; თანაბარი სიღრმით სწავლობდა ქართველი ხალხის ტრადიციებს, ხალხურ კულტურას, წეს-ჩვეულებებს, როგორც სულიერი და მატერიალური კულტურის, ისე სამეურნეო ყოფისა და სოციალურ ურთიერთობათა სფეროში; მისი ინტერესი მთლიან საქართველოს მოიცავდა: აღმოსავლეთსა და დასავლეთს, მთასა და ბარს; თავისი სამეცნიერო-პოპულარული წიგნებით ის ცდილობდა ქართული ეთნიკური კულტურის, ტრადიციისა და ყოფის თავიესბურებანი მოსახლეობის ფართო ფენებისათვის ცნობილი გაეხადა; ის ათზე მეტი მონოგრაფიის ავტორია; მისი გარდაცვალების შემდეგ გამოქვეყნდა საველე ეთნოგრაფიული მასალები 11 წიგნად; დაბეჭდილი აქვს ასზე მეტი სამეცნიერო ნაშრომი, არა მხოლოდ ქართულ ენაზე, არამედ უცხოურ ენებზეც; ის იყო ერთ-ერთი ინიციატორი აკადემიკოს გიორგი ჩიტაიას ხუთტომეულის გამოცემისა; მისი დამსახურებაცაა დიდი ივანე ჯავახიშვილის კითხვარითა და ინიციატივით XX საუკუნის 30-იან წლებში შეგროვილი საქართველოს შინამრეწველობისა და წვრილი ხელოსნობის მასალების ჯერ გადარჩენა და შემდეგ რვა წიგნად გამოცემა; ჯულიეტა რუხაძე ამ მნიშვნელოვანი გამოცემის ორი ტომის რედაქტორია; რომ არა ის, ალბათ დღესაც არ გვექნებოდა დაბეჭდილი ალექსი ოჩიაურის უნიკალური ეთნოგრაფიული ჩანაწერების ორი ტომი; მასვე ეკუთვნის პროფესორ ვერა ბარდაველიძის მიერ შედგენილი ქართველი ხალხის სულიერი ყოფისა და კულტურის ვრცელი პროგრამა-კითვარის გამოცემა, რომლითაც ეთნოგრაფთა მთელი თაობები სარგებლობდნენ; წინა თაობის ეთნოლოგებისადმი დიდი ყურადღების დამადასტურებელია ჯულიეტა რუხაძის მიერ ვერა ბარდაველიძის ნაშრომის "ივრის ფშაველები" ცალკე წიგნად გამოცემა, რომელიც ბიბლიოგრაფიულ იშვიათობას წარმოადგენდა; ისტორიის მეცნიერებათა დოქტორი.

სადოქტორო დისერტაციის თემა - "ხალხური აგრიკულტურა დასავლეთ საქართველოში", დაიცვა 1983 წელს.

• 1999 - სიმონ ჯანაშიას სახელობის პრემია
  მონოგრაფიული გამოკვლევისათვის "ბუნებისა და აღორძინების ხალხური დღესასწაული საქართველოში (ბერიკაობა-ყეენობა)"
• 1998 - ღირსების ორდენი
  ქართული მეცნიერების განვითარებაში შეტანილი პირადი დიდი წვლილისათვის, ნაყოფიერი სამეცნიერო და პედაგოგიური მოღვაწეობისათვის

• აღმოსავლეთ საქართველოს მთიანეთი : ცოცხალი ისტორიები : ჯულიეტა რუხაძის ეთნოგრაფიული ჩანაწერები (ავტორი). - თბილისი, "სემდ" ფონდი, 2021. - 430გვ.. - ISBN: 9789941974731
• რაჭა-ლეჩხუმი : ცოცხალი ისტორიები : ჯულიეტა რუხაძის ეთნოგრაფიული ჩანაწერები (ავტორი). - თბილისი, "სემდ" ფონდი, 2021. - 394გვ.. - ISBN: 9789941974748
• სვანეთი : ცოცხალი ისტორიები : ჯულიეტა რუხაძის ეთნოგრაფიული ჩანაწერები (ავტორი). - თბილისი, "სემდ" ფონდი, 2020. - 458გვ.. - ISBN: 9789941973031
• გურია II : ეთნოგრაფიული ჩანაწერები (ავტორი). - თბილისი, "სემდ" ფონდი, 2019. - 232გვ.. - ISBN: 9789941810114
• გურია I : ეთნოგრაფიული ჩანაწერები (ავტორი). - თბილისი, "სემდ" ფონდი, 2019. - 304გვ.. - ISBN: 9789941810107
• სამცხე-ჯავახეთი : ცოცხალი ისტორიები : ჯულიეტა რუხაძის ეთნოგრაფიული ჩანაწერები (ავტორი). - თბილისი, "სემდ" ფონდი, 2017. - 307გვ.. - ISBN: 9789941274534
• ქართული ხალხური დღესასწაული = Грузинский народный праздник = Georgian folk festival (ავტორი). - თბილისი, არტანუჯი, 2007. - 45გვ.
• ეთნოგრაფია-ეთნოლოგიური ლიტერატურის ანოტირებული ბიბლიოგრაფია = Аннотированная библиография этнография-этнологической литературы = Annotated bibliography of ethnographic-ethnological literature (რედაქტორი). - თბილისი, მემატიანე, 2004. - 665გვ.
• ეთნოგრაფიული გულანი (ავტორი). - თბილისი, მემატიანე, 2003. - 576გვ. - ISBN: 99928-0-601-X
• ბუნების ძალთა აღორძინების ხალხური დღესასწაული საქართველოში : ბერიკაობა-ყეენობა (ავტორი). - თბილისი, ინტელექტი, 1999. - 280გვ.
• ქართული ხალხური დღეობები (რაჭა-ლეჩხუმი) (რედაქტორი). - თბილისი, მეცნიერება, 1995. - 97გვ.
• შტრიხები აკადემიკოს გიორგი ჩიტაიას პორტრეტისათვის (ავტორი). - თბილისი, მეცნიერება, 1993. - 96გვ.
• ხანი იმერეთის ხევსურეთია (ავტორი). - თბილისი, საბჭოთა საქართველო, 1989. - 102გვ.
• ეთნოგრაფიული ძიებანი (რედაქტორი). - თბილისი, მეცნიერება, 1988. - 110გვ.
• ვერა ბარდაველიძე (თანაავტორი). - თბილისი, მეცნიერება, 1988. - 56
• ვანის დღიურის ფურცლები (ავტორი). - თბილისი, მეცნიერება, 1982. - 89გვ.
• ხალხური დღესასწაულები და თანამედროვეობა (ავტორი). - თბილისი, მეცნიერება, 1980. - 38გვ.
• ხალხური აგრიკულტურა დასავლეთ საქართველოში (ავტორი). - თბილისი, მეცნიერება, 1976. - 225გვ.
• ქართული ხალხური დღესასწაული : ბერიკაობა-ყეენობა (ავტორი). - თბილისი, საბჭოთა საქართველო, 1966. - 48გვ.
• სოფელი აკურა : ეთნოგრაფიული მიმოხილვა (თანაავტორი). - თბილისი, მეცნიერება, 1964. - 201გვ.