ვაჟა დოლბაია

დაბადების ადგილი: სოფელი პირველი ხორგა, ხობის რაიონი.

დაამთავრა კავშირგაბმულობის ინსტიტუტი 1961 წელს, თბილისის სახელმწიფო უნივერსიტეტი 1967 წელს, მოსკოვის მ. გორკის სახელობის მსოფლიო ლიტერატურის ინსტიტუტი 1983 წელს.

მისი სამწერლო ნათლობა 1967 წელს შედგა, როდესაც ხობის რაიონულ გაზეთში გამოაქვეყნეთ ლექსი "დედა". მას შემდეგ მისი ლექსები სისტემატურად ქვეყნდება ქართულ სალიტერატურო ჟურნალ-გაზეთებში, გამოდის ცალკე წიგნებად. ქართველმა მკითხველმა შეიყვარა და გაითავისა მისი ისეთი პოეტური კრებულები, როგორიცაა "ამაღლება", "ნათელხილვა", "საგალობელი", "სიცოცხლე", "უნაპირობა", "აისბერგები", "მოლოდინი", "შეიბნ მახვილი" (1990), "იქმენ ნათელი" (1993)... ცალკე აღნიშვნის ღირსია "კოლხური ფსალმუნები" ხუთ ტომად, რომელიც ოცი ათასზე მეტ ლექსს შეიცავს. სულ არის ოცდაათამდე წიგნის ავტორი. თარგმნილი და ცალკე წიგნებად აქვს გამოცემული. საზღვარგარეთის ქვეყნების ორმოცდაათზე მეტი ახალგაზრდა პოეტის ლექსების მცირე ანთოლოგია "ოქროს მტევანი", აგრეთვე, ფეოდორ ტიუტჩევის ლექსები. იგი იყო გამომცემლობა "მოლოდინის" გენერალური დირექტორი, რედაქტორობდა გაზეთებს — "ამაღლებას", "აკადემოსს", "ქალდეას"...

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.126-127

• ვაჟა-ფშაველას სახელობის პრემია

• კოლხური ფსალმუნები (ხუთტომეულის მეოთხე ტომი) (ავტორი). - თბილისი, მოლოდინი, 2008. - 1030გვ.. - ISBN: 99940-869-0-1
• კოლხური ფსალმუნები (ხუთტომეულის მესამე ტომი) (ავტორი). - თბილისი, მოლოდინი, 2007. - 2004გვ.. - ISBN: 99940-869-0-1
• კოლხური ფსალმუნები (ხუთტომეულის მეორე ტომი) (ავტორი). - თბილისი, მოლოდინი, 2006. - 1010გვ.. - ISBN: 99940-869-0-1
• კოლხური ფსალმუნები (ხუთტომეულის პირველი ტომი) (ავტორი). - თბილისი, მოლოდინი, 2001. - 1078გვ.. - ISBN: 99940-869-0-1
• იქმენ ნათელი (ერთტომეული) (ავტორი). - თბილისი, მოლოდინი, 1993. - 943გვ.
• შეიბნ მახვილი! (ავტორი). - თბილისი, მერანი, 1990. - 189გვ.
• იასამნების ლურჯი გალობა (ავტორი). - თბილისი, ნაკადული, 1988. - 128გვ.
• მოლოდი (ავტორი). - თბილისი, საბჭოთა საქართველო, 1988. - 312გვ.
• აისბერგები : ლექსები (ავტორი). - თბილისი, საბჭოთა საქართველო, 1983. - 213გვ.
• უნაპირობა (ავტორი). - თბილისი, მერანი, 1980. - 205გვ.
• ჩემი საგალობელი (ავტორი). - თბილისი, ნაკადული, 1979. - 95გვ.
• საუკუნის ერთი დღე : პოემა (ავტორი). - თბილისი, მერანი, 1977. - 37გვ.
• ნათელხილვა : ლექსები (ავტორი). - თბილისი, საბჭოთა საქართველო, 1975. - 57გვ.
• ამაღლება : ლექსები (ავტორი). - თბილისი, მერანი, 1973. - 122გვ.
• სიცოცხლე (ავტორი). - თბილისი, მერანი, 1968. - 50გვ.