ცისანა აბულაძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი 1956 წელს.

მუშაობს ხელნაწერთა ინსტიტუტში, აგრეთვე ქუთაისის სახელმწიფო უნივერსიტეტში თურქოლოგიის კათედრის გამგის მოადგილედ. ავტორია წიგნებისა: "სულხან-საბა ორბელიანის სიტყვანის თურქული თარგმანები"(1968), ხელნაწერთა ინსტიტუტის არაბულ, თურქულ და სპარსულ ხელნაწერთა კატალოგი (1969, თანაავტორები რ. გვარამია მ. მამაცაშვილი), გურჯიზადე, "თბილისის დაპყრობის წიგნი" (თურქული ტექსტი ქართული თარგმანით, გამოკვლევით და კომენტარებით, 1975), "ჩილდირის ეიალეთის ჯაბა დავთარი" (თურქული ტექსტი ქართული თარგმანით და გამოკვლევით, 1979, თანაავტორი მ. სვანიძე), "თურქული წყაროები XVI საუკუნის I მეოთხედის სამცხე-საათაბაგოს ისტორიისათვის"(1983), "საქართველოს ისტორიის XV-XVIII საუკუნის ოსმალური დოკუმენტური და ნარატიული წყაროები" (1989); არის 6 წიგნისა და 60-მდე სტატიის ავტორი. ისტორიულ მეცნიერებათა დოქტორი (1990), პროფესორი (1991); იკვლევდა საქართველოს ისტორიის ოსმალურ წყაროებს; თურქოლოგი.  

წყარო: საქართველო: ენციკლოპედია: ტ.I.–თბ., 1997.–გვ.37; facebook.com

• თურქიზმები ქართველურ ანთროპონიმიაში : მონოგრაფია (რედაქტორი). - თბილისი, სიტყვა, 2008. - 208გვ.. - ISBN: 978-9941-0-1290-7
• თურქულენოვან ხელნაწერთა კატალოგი = Turkce yazmalar Katalogu (შემდგენელი). - თბილისი, კვირიონი, 2004. - 366გვ.. - ISBN: 99928-0-837-3
• სულხან-საბა ორბელიანის ლექსიკონის სიტყვანის თურქული თარგმანები (ავტორი). - თბილისი, მეცნიერება, 1968. - 257გვ.