შოთა ვეშაპიძე

დაბადების ადგილი: სოფელი კაკაბეთი, საგარეჯოს რაიონი.

დაამთავრა თბილისის სახელმწიფო უნივერსიტეტის ვაჭრობის ეკონომიკისა და საქონელმცოდნეობის ფაკულტეტი 1977 წელს.

1985-1987 წლებში იყო "ტექინფორმის" ეკონომიკური განათლების სექტორის გამგე, 1987-1991 წლებში საქართველოს კპ ცკ-ის მარქსიზმ-ლენინიზმის უნივერსიტეტის დეკანი, 2001-2011 წლებში თბილისის საერთაშორისო ბიზნესისა და ეკონომიკურ მოძღვრებათა ისტორიის კათედრის პროფესორი, თბილისის სოციალურ-ეკონომიკური ინსტიტუტის(2007 წლიდან ევროპული უნივერსიტეტი) პრორექტორი, 1992-2010 წლებში კი რექტორი (1992–2010). 2007 წლიდან არის საქართველოს ტექნიკური უნივერსიტეტისტის პროფესორი, 2011 წლიდან – დავით აღმაშენებლის სახელობის საქართველოს ეროვნული თავდაცვის აკადემიის პროფესორი. მისი კვლევის სფეროა ქართული ეკონომიკური აზრის ისტორია, გლობალიზაციის, საერთაშორისო ეკონომიკის, მსოფლიო ეკონომიკის პრობლემები. არის მრავალი სამეცნიერო შრომის ავტორი, მათ შორის სამი მონოგრაფიისა და ათი სახელმძღვანელოსი. ეკონომიკის მეცნიერებათა დოქტორი (2000), პროფესორი (2002).

წყარო: საქართველო: ენციკლოპედია: ტ.III.–თბ., 2014.-გვ.263

• მსოფლიო ეკონომიკა : ლექციების კურსი. - თბილისი, გამ-ბა "ვერჯეს" სტამბა, 2004. - 212გვ.. - ISBN: 99928-0-922-1
• ილია ჭავჭავაძის ეკონომიკური კვლევის მეთოდოლოგია და თანამედროვე ეკონომიკური განვითარების აქტუალური საკითხები. - თბილისი, სოც. ეკონომიკ. ინ-ტი, 1999. - 296გვ.
• ეკონომიკური თეორიის საფუძვლები. - თბილისი, 1998. - 124გვ.
• საერთაშორისო ეკონომიკური ურთიერთობების პრობლემები მსოფლიო ბაზარზე გასვლის საკითხები. - თბილისი, 1996. - 127გვ.
• თანამედროვე ეკონომიკური აზროვნების ზოგიერთი აქტუალური ასპექტი : სასწ. მეთოდ. მასალა. - თბილისი, საბჭოთა საქართველო, 1988. - 33გვ.
• ელემენტარული ეკონომიკა. - 1998, ქ. თბილისი