ჯანსუღ კეკელია

დაბადების ადგილი: ქ. თბილისი.

დაამთავრა თბილისის სახემწიფო უნივერსიტეტის გეოგრაფია-გეოლოგიის ფაკულტეტი 1961 წელს.

1962 წელს მუშაობა დაიწყო ამავე ფაკულტეტის გეომორფოლოგიის კათედრის ტექნიკოს კარტოგრაფად; 1973 წლიდან კარტოგრაფია-გეოდეზიის კათედრაზე ჯერ დოცენტად, შემდეგ პროფესორად; 1976-1977წწ. ფაკულტეტის დეკანის მოადგილეა; 1964-1967წწ. გაიარა ასპირანტურის კურსი; 1996 წლიდან მუშაობდა აგრეთვე, ვახუშტი ბაგრატიონის სახელობის გეოგრაფიის ინსტიტუტში კარტოგრაფიისა და აეროკოსმოსური კვლევის მეთოდების განყოფილების გამგედ. გამოქვეყნებული აქვს 160 სამეცნიერო ნაშრომი, რომლებიც ეძღვნება კარტოგრაფიულ ნიშანთა ზოგადი თეორიის (კარტოსემიოტიკის), კარტოგრაფიის ენის ცნებობრივ-ტერმინოლოგიური სისტემის კვლევას. წლების განმავლობაში კითხულობდა ლექციებს თბილისის სახელმწიფო უნივერსიტეტში გეოდეზიაში, მათემატიკურ კარტოგრაფიაში, კარტომეტრიაში. გეოგრაფიულ მეცნიერებათა დოქტორი, პროფესორი (1996).

საკანდიდატო დისერტაციის თემა - "აღმოსავლეთ-ცენტრალური ეკონომიკური რაიონის მოსახლეობისა და განსახლების ეკონომიკურ-გეოგრაფიული ანალიზი რაიონული დაგეგმარების მიზნებისათვის", დაიცვა 1971 წელს; სადოქტორო დისერტაციის თემა - "კარტოსემიოტიკა", დაიცვა 1995 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.144; საქართველო: ენციკლოპედია: ტ. IV. -თბ., 2018.-გვ. 614

• საქართველოს კარტოგრაფთა ასოციაცია, პრეზიდენტი

• საქართველოს საზღვრები = Georgian borders (რედაქტორი). - თბილისი, 2009. - 135გვ.
• დრო და კალენდარი (ავტორი). - თბილისი, ინტელექტი, 2007. - 24გვ.. - ISBN: 978-99940-59-99-7
• საქართველოს ტერიტორია და საზღვრები = Территория и населенные пункты Грузии = Teritory of Georgia and its settelments (თანაავტორი). - თბილისი, ინტელექტი, 2006. - 118გვ.
• გეოგრაფია. VI კლასი : სახელმძღვანელო (ავტორი). - თბილისი, ინტელექტი, 2004. - 144გვ.. - ISBN: 99928-874-6-X
• მათემატიკური კარტოგრაფიის ზოგადი კურსი : სახელმძღვანელო (ავტორი). - თბილისი, 2004. - 204გვ.. - ISBN: 99928-0-905-1
• კარტოსემიოტიკა (ავტორი). - თბილისი, მეცნიერება, 1998. - 180გვ.
• კარტომეტრია : გეოგრაფიის სახემძღვანელო მე-6 კლასისათვის (ავტორი). - თბილისი, თსუ–ს გამ–ბა, 1985. - 183გვ.