გიორგი ბენიძე

დაბადების ადგილი: სოფელი ხომული, წყალტუბოს რაიონი.

დაამთავრა ქ. ქუთაისის ალ. წულუკიძის სახელობის პედაგოგიური ინსტიტუტი 1980 წელს.

მულტიმედია-არტისტი, პროფესიონალი მწერალი, პუბლიცისტი, ესეისტი, პოეტი-პროზაიკოსი, მხატვარი-გრაფიკოსი, მუშაობს სიურეალიზმში. ლიტერატურული კრიტიკოსი, თვითნასწავლი მუსიკოსი, 30 წლის ასაკიდან ზეპირად თხზავს მუსიკალურ კომპოზიციებს ნაირგვარ სტილში: ლირიკული მელოდიები, როკ-მუსიკა, საგალობლები. ამჟამად მუშაობს კულტურულ ურთიერთობათა ცენტრ "კავკასიურ სახლ"-ში ჟურნალ "ალტერნატივა"-ს რედაქტორის მოადგილედ.

მისი გრაფიკული ნამუშევრები იფინებოდა ქუთაისისა და წყალტუბოს სამხატვრო გალერეებში. ქალაქ წყალტუბოში გაიმართა მისი პერსონალური გამოფენა. იგი ეწევა პოეტთა ნაწარმოებების დეკლამაციას რეჩიტატივისა, თუ მელოდიის თანხლებით. მუშაობს პოეზიის ზაუმურ და "საუნდ" სტილში. მარსიანი მონაწილეობს არაერთ ლიტერატურულ ღონისძიებებში, პოეტურ საღამოებსა და სემინარებში. მარსიანს შეუძლია ნაყოფიერად ითანამშრომლოს რომელიმე როკ-ჯგუფთან, ან სტუდიასთან, ან ალტერნატიული, ახალი ტალღის მუსიკის შემქმნელ კომპოზიტორებთან.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.212

• პეპლობის თვე : რომანი (ავტორი). - თბილისი, კავკასიური სახლი, 2003. - 270გვ.. - ISBN: 99928-71-38-5
• კრიტიკა : კრიტიკული წერილების წიგნი (ავტორი). - თბილისი, კავკასიური სახლი, 2002. - 170გვ.. - ISBN: 99928-71-31-8
• ანამაისი : რომანი (ავტორი). - თბილისი, საბჭოთა საქართველო, 1989. - 220გვ.