ედუარდ ცირამუა

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი, ბუღალტერ-ეკონომისტის სპეციალობით, მოსკოვის მ.ლომონოსოვის სახ. სახელმწიფო უნივერსიტეტის ასპირანტურა.

შრომითი საქმიანობა დაიწყო 1956 წელს. იყო მუშა, აღმრიცხველი, ბუღალტერი, მთავარი ბუღალტერი, ცენტრალურ სტატისტიკურ სამმართველოში ფინანსებისა და ფასების სტატისტიკის განყოფილების უფროსი, ფინანსთა სამინისტროში რესპუბლიკის აღრიცხვისა და ანგარიშგების სამსახურის უფროსი, ხე-ტყისა და ხის დამამუშავებელი სამინისტროს საფინანსო სამსახურის უფროსი, სოციალური უზრუნველყოფის სამინისტროში საგეგმო-საფინანსო და საბუღალტრო აღრიცხვის სამსახურის უფროსი. 1972 წლიდან მუშაობდა თბილისის სახელმწიფო უნივერსიტეტში, 1980 წლიდან - მოწვეულ ლექტორად, 1991-1998 წლებში - დოცენტის, ხოლო 1998 წლიდან - პროფესორის თანამდებობაზე. პარალელურად 1990-2006 წლებში იყო ფინანსების სამეცნიერო კვლევითი ინსტიტუტის აღრიცხვისა და აუდიტის განყოფილების გამგე. გამოქვეყნებული აქვს 77-ზე მეტი სამეცნიერო ნაშრომი, მათ შორის 13 მონოგრაფიულილი და სასწავლო წიგნი, 19 ცალკეული სამეცნიერო ნაშრომი, 22 საჟურნალო სამეცნიერო სტატია. ეკონომიკის მეცნიერებათა დოქტორი (1998), პროფესორი.

სადოქტორო დისერტაციის თემა - "სამეურნეო საქმიანობის ეკონომიკური ანალიზის სრულყოფის პრობლემები: თეორია, მეთოდოლოგია, პრაქტიკა", დაიცვა 1998 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.539; ka.googl-info.com

• ეკონომიკურ მეცნიერებათა აკადემია, წევრი

• საერთაშორისო საიმპერატორო მედალი
  ბუღალტრულ აღრიცხვასა და აუდიტში გაწეული ღვაწლისთვის
• ღირსების მედალი

• აუდიტი : თეორია, მეთოდიკა, ტექნიკა : სახელმძღვ. სტუდ. (ავტორი). - თბილისი, შ.პ.ს. „დარბეგი“, 2009. - 355გვ.
• ბუღალტრული აღრიცხვა საშუალო და მცირე წარმოებაში: ფირმა. ბიზნესი. სამეურნეო სუბიექტი (ავტორი). - თბილისი, სიახლე, 2005. - 177გვ.. - ISBN: 9994081535
• სამეურნეო-საფინანსო საქმიანობის ეკონომიკური ანალიზი : (თეორია, მეთოდოლოგია, პრაქტიკა) (ავტორი). - თბილისი, საქ. ფინ. სამ. საგამომც.-პოლიგრ. გაერთ., 1999. - 258გვ.
• როგორ წავიკითხოთ ბალანსი, ჩავუტაროთ ანალიზი და აუდიტი (ავტორი). - თბილისი, 1997. - 58გვ.
• ეკონომიკური ანალიზის თეორია : [დამხმ. სახელმძღვ. უმაღლ. სასწ. სტუდენტებისათვის] (ავტორი). - თბილისი, თბილ. უნ-ტის გამ-ბა, 1985. - 107გვ.