ბორენა (დედოფალი)

საქართველოს დედოფალი XI საუკუნეში, ბაგრატ IV მეუღლე, ოსთა მეფის ასული, ბაგრატმა შეირთო ელენე დედოფლის გარდაცვალების შემდეგ. მიეკუთვნება ღვთისმშობლისადმი მიძღვნილი ჰიმნი, დახვეწილი რითმებით გაწყობილი იამბიკო, წარწერილი მარიამ ღვთისმშობლის ხატის ზურგზე(სვანეთი, ლენჯერის ეკლესია). ჰიმნის ბოლო, მეხუთე ტაეპში მოხსენიებულია ავტორი: "ქალწულო, მიხსენ ბორენა ჭირმრავალი". ზოგი მკვლევარი მას ბაგრატ IV მეუღლედ მიიჩნევს. გამოთქმულია აგრეთვე მოსაზრება, რომ იამბიკოს ავტორია არა XI საუკუნეში მოღვაწე პოეტი ქალი, არამედ ცოტნე დადიანის მეუღლე, რომელიც XIII საუკუნეში ცხოვრობდა.

წყარო: საქართველო: ენციკლოპედია: ტ.I.–თბ., 1997.–გვ.463

• რომელმან ეგე ევას მიუზღვე ვალი (ავტორი) // ქართული მწერლობის საუნჯე, ტ. 2, ქართული ჰაგიოგრაფიული მწერლობა . - თბილისი, ბაკურ სულაკაურის გამ-ბა, 2011. - 296 გვ.. - ISBN: 978-9941-15-395-2