კონსტანტინე გამსახურდია

დაბადების ადგილი: სოფელი ძველი აბაშა, აბაშის რაიონი. 

1911 წელს დაამთავრა ქუთაისის სათავადაზნაურო გიმნაზია. სწავლობდა პეტერბურგის, კენიგსბერგის, ლაიფციგის, მიუნხენის, ბერლინის  უნივერსიტეტებში. 1919 წელს დაამთავრა ბერლინის უნივერსიტეტი. მოიპოვა ფილოსოფიის  დოქტორის ხარისხი.

აქტიურად მონაწილეობდა ევროპაში ჩამოყალიბებული "საქართველოს  განმათავისუფლებელი კომიტეტის" მუშაობაში. 1918 წლიდან საქართველოს დემოკრატიული  რესპუბლიკის ბერლინის საელჩოს ატაშეა. ჰამბურგში 3000-მდე ტყვედყოფილი ქართველი  შეკრიბა და სამშობლოში წამოიყვანა მის მიერვე დაქირავებულ ხომალდ "ქრისტიანიათი", თან ჩამოიტანა მედიკამენტები, პირველი რადიოდანადგარი. მრავალგზის იყო რეპრესირებული საბჭოთა რეჟიმის დროს ეროვნული მოღვაწეობისათვის. სამწერლო მოღვაწეობა დაიწყო როგორც პოეტმა და პუბლიცისტმა. პირველი ლექსი  გამოაქვეყნა 1909 წ.. XX საუკუნის 10-20-იანი წლების მიჯნაზე იყო რედაქტორი შემდეგი პერიოდული გამოცემებისა: "პრომეთე", "ლომისი" (გ. ტაბიძესა და ლ. ქიაჩელთან ერთად), "ილიონი", "საქართველოს სამრეკლო", "ქართული  სიტყვა", ხელმძღვანელობდა მწერალთა აკადემიურ ჯგუფს. ავტორია რომანებისა: "დიონისოს ღიმილი", "მთვარის მოტაცება", "გოეტეს ცხოვრების  რომანი", "დიდოსტატის კონსტანტინეს მარჯვენა", "დავით აღმაშენებელი", "ვაზის  ყვავილობა", აგრეთვე ნოველების, ნარკვევებისა და ესეებისა. თარგმნა გოეთეს "ახალგაზრდა ვერთერის ვნებანი", დანტეს "ღვთაებრივი კომედია" (I ნაწილი - "ჯოჯოხეთი" კ. ჭიჭინაძესთან ერთად თარგმნა), რემარკის "დასავლეთის ფრონტი უცვლელია" და სხვ. ფილოსოფიის დოქტორი.

წყარო: მწერალთა ავტობიოგრაფიები: წ.1 –  თბ., 2013.-გვ.624; კონსტანტინე გამსახურდიას იუბილე // საბჭოთა ხელოვნება. -თბილისი, 1961. - N8-9. - გვ.97-100

• საქართველოს მეცნიერებათა აკადემია, აკადემიკოსი (1944-)

• 1965 - შოთა რუსთაველის სახელობის სახელმწიფო პრემია

• ღვთაებრივი კომედია /დანტე ალიგიერი (მთარგმნელი). - თბილისი, პალიტრა L, 2012. - 536გვ. . - ISBN: 978-9941-19-342-2
• დავით აღმაშენებელი : ტეტრალოგია 8 ტომად (ავტორი). - თბილისი, პალიტრა L, 2011. - ISBN: 978-9941-19-162-6
• აზრები, გამონათქვამები (ავტორი). - თბილისი, საქართველოს მაცნე, 2006. - 222 გვ.. - ISBN: 99940-43-80-3
• მთვარის მოტაცება (ავტორი). - თბილისი, მერანი, 1990. - 798გვ.
• დიდოსტატის კონსტანტინეს მარჯვენა (ავტორი). - თბილისი, ნაკადული, 1990. - 397გვ.
• დიონისოს ღიმილი (ავტორი). - ტფილისი, სახელგამი, 1934. - 460გვ.
• ახალი ევროპა. სიტყვა: პორტრეტი: მონოგრაფია.... (ავტორი). - ტფილისი, ქართული წიგნი, 1928. - 223გვ.