არსენ ბერი

XI საუკუნის II ნახევრისა და XII საუკუნის I ნახევრის საქართველოს  საეკლესიო მოღვაწე, მწერალი, დავით აღმაშენებლის სულიერი მოძღვარი. მოღვაწეობდა შიო  მღვიმის ლავრაში. ლავრის აშენება-განახლება არსენ ბერის ზედამხედველობით მომხდარა. არსენ ბერის კალამს ეკუთვნის დავით აღმაშენებლის ხოტბა "მეფისა დავითის მონაზონი  არსენი". მასვე მიეწერება რუის-ურბნისის კრების ძეგლისწერისა და დავით აღმაშენებლის  ორი ანდერძის შედგენა, ნინოს ცხოვრების მეტაფრასული რედაქცია, ანდრია კრეტელის დიდი  კანონის თარგმანი. მკვლევართა აზრით, არსენ ბერი უნდა იყოს დავით აღმაშენებლის  მემატიანე-ისტორიკოსი, ავტორი თხზულებისა "ცხოვრება მეფეთ-მეფისა დავითისი".

• ცხოვრება მეფეთ-მეფისა დავითისი (ავტორი) // ქართული მწერლობის საუნჯე 25 ტომად, ტ. 2 . - თბილისი, ბაკურ სულაკაურის გამ-ბა, 2011. - 296 გვ. . - ISBN: 978-9941-15-395-2