ოთარ ჩხეიძე

დაბადების ადგილი: სოფელი ყელქცეული, გორის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი დასავლეთ ევროპის ენებისა და ლიტერატურის განხრით 1942 წელს.

ერთხანს მასწავლებლობდა სოფლად. 1948 წლიდან ლექციებს კითხულობდა ბათუმის შოთა რუსთაველის სახელობის, 1949 წლიდან- ნიკოლოზ ბარათაშვილის სახელობის გორის პედაგოგიური ინსტიტუტებში. 1949-1971წწ. იყო გორის პედაგოგიური ინსტიტუტის რუსული ენისა და ლიტერატურის, 1971-1980წწ. - უცხოური ენებისა და ლიტერატურის კათედრის გამგე. პირველი მოთხრობა გამოაქვეყნა 1940 წელს ჟურნალ "ჩვენ თაობაში". მას შემდეგ თანმიმდევრულად იბეჭდება მისი მოთხრობების ციკლი "ჩემი სოფლის ეტიუდები", რომანის ციკლი "მატიანე ქართლისა", დრამატული ნაწარმოებები, ლიტერატურულ-კრიტიკული და პუბლიცისტური წერილები. მოთხრობათა პირველი კრებული "ხელეური"-1947წ. წლების მანძილზე აქვეყნებდა ქართული სოფლის ამსახველ, ლირიზმით შეფერილ მცირეფორმიან თხზულებებს საერთო სათაურით -"ჩემი სოფლის ეტიუდებიდან". მისი თხზულებები თარგმნილია რუსულ ენაზე, ყოფილ სსრკ-ის სხვა ხალხთა, აგრეთვე ბულგარულ ენაზე.

წყარო: პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.61

• საქართველოს მწერალთა კავშირი, პასუხისმგებელი მდივანი (1950-1951)
• გაზეთი "ლიტერატურული საქართველო" , სარედაქციო კოლეგიის წევრი
• ჟურნალი "მნათობი", სარედაქციო კოლეგიის წევრი
• ჟურნალი "ცისკარი", სარედაქციო კოლეგიის წევრი

• 2006 - ილია ჭავჭავაძის სახელობის პრემია
• 2005 - ლიტერატურული პრემია "საბა", ქართული ლიტერატურის განვითარებაში შეტანილი განსაკუთრებული წვლილისათვის

• იტალიური დღიურები ბაირონისა (ავტორი). - თბილისი, ნაკადული, 1996. - 168გვ.
• არტისტული გადატრიალება : რომანი (ავტორი). - თბილისი, ლომისი, 1994. - 343გვ.
• გამოცხადებაი. Apokalypsis : რომანი (ავტორი). - თბილისი, მერანი, 1989. - 255გვ.
• მთაგრეხილი : რომანი (ავტორი). - თბილისი, მერანი, 1988. - 319გვ.