ალექსანდრე კარტოზია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი 1981 წელს.

1981-1982წწ. იყო საქართველოს პოლიტექნიკური ინსტიტუტის მთარგმნელი; 1985-1988წწ. - თბილისის სახელმწიფო უნივერსიტეტის რექტორის თანაშემწე; 1985-1988წწ. - ამავე უნივერსიტეტის ზოგადი ენათმეცნიერების კათედრის მეცნიერ-თანამშრომელი; 1989 წლიდან - თბილისის სახელმწიფო უნივერსიტეტის გერმანული ფილოლოგიის კათედრის გამგე; 1997-1998წწ. - საქართველოს პარლამენტის ეროვნული ბიბლიოთეკის დირექტორი; 1998-2004წწ. - საქართველოს განათლების მინისტრი; 2004 წლიდან ცხოვრობს ბერლინში; არის ოდერის ფრანფურკის იადრანის უნივერსიტეტის სოციალური ლინგვისტიკის კათედრის ლექტორი; ბერლინში თანამშრომლობს ლიტერატურულ სახლებთან და ატარებს სემინარებს თარგმანის თეორიაში; 2011 წლიდან ხელმძღვანელობს მთარგმნელთა გერმანულ-ქართულ სახელოსნოს, 2017 წლიდან არის ჰუმბოლდტის სტიპენდიის ალუმნების კავშირის თავმჯდომარე და საერთაშორისო შეკრებების ორგანიზატორი; 2022 წლის 19 მაისს გადაეცა გერმანიის ფედერაციული რესპუბლიკის დამსახურების ორდენი, "დამსახურების ჯვარი", რომელიც გერმანიის მაშინდელმა ელჩმა, ჰუბერტ ქნირშმა გადასცა; 2025 წლის 23 სექტემბერს დაინიშნა საქართველოს ელჩად გერმანიაში. ფილოლოგიის მეცნიერებათა დოქტორი (1995), პროფესორი (1996).

სადოქტორო დისერტაციის თემა - "ენა, ტექსტი, თარგმანი", დაიცვა 1995 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.470-471; თბილისის სახელმწიფო უნივერსიტეტი: tsu.ge; გერმანიის ფედერაციული რესპუბლიკის საელჩო თბილისში: tiflis.diplo.de

• ჩაკლული სული: რომანი/გრიგოლ რობაქიძე (მთარგმნელი). - თბილისი, ინტელექტი, 2017. - 216გვ.. - ISBN: 9789941470899
• თბილისი-ზაარბრიუკენი 40 = Saarbrücken - Tbilisi 40 / (ავტორი). - თბილისი, 2016. - 104გვ.. - ISBN: 9789941092947
• გახლეჩილი ქვეყანა: 50 მოთხრობა ორი გერმანიიდან : თარგმანი გერმანულიდან (მთარგმნელი). - თბილისი, ბაკურ სულაკაურის გამ-ბა, 2015. - 404გვ.. - ISBN: 9789941234538
• სკოლის ბაზაზე მასწავლებელთა პროფესიული განვითარების ტრენინგ-პროგრამა I ეტაპი-სწავლებისა და სწავლის ახალი მიდგომები : სახელმძღვ. მასწავლებლებისათვის : საქ. განათლ. სისტემის გარდაქმნისა და განმტკიცების პროგრამა : განათლების მუშაკთა პროფ. განვითარება (წინასიტყ. ავტორი). - თბილისი, 2003. - 138გვ.
• გერმანული ენა უფროსკლასელთათვის = Deutsch fur die Fortgeschrittene. Dehrbuch zweite erweiterte Aufloge : სახელმძღვანელო (რედაქტორი). - თბილისი, თბილ. უნ-ტის გამ-ბა, 2002. - 396გვ.