ლია გიგაური

დაბადების ადგილი: ქ. დედოფლისწყარო.

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის აღმოსავლეთმცოდნეობის ფაკულტეტი არმენოლოგიის სპეციალობით 1989 წელს.

1989-1992წწ. სწავლობდა საქართველოს მეცნიერებათა აკადემიის კ. კეკელიძის სახელობის ხელნაწერთა ინსტიტუტის ასპირანტურაში. შეისწავლა ამავე ინსტიტუტში დაცული სომხური ხელნაწერების ფონდისა და აგრეთვე ერევნის მატენადარანის 17-18სს-ების სომხური ხელნაწერების ანდერძ-მინაწერები; დაამუშავა და სისტემაში მოიყვანა ინსტიტუტში არსებული პოეტ ო. თუმანიანის ფონდი. 1993-2002წწ. იყო თსუ-ს ისტორიის ფაკულტეტის აზიისა და აფრიკის ქვეყნების ახალი და უახლესი ისტორიის კათედრასთან არსებული ეთნოკონფესიონალური ურთიერთობების შემსწავლელი ლაბორატორიის მეცნიერ-თანამშრომელი. 2002-2008წწ. ამავე ლაბორატორიის უფროსი მეცნიერ-თანამშრომელი. კითხულობდა ლექციებს თსუ-ს ისტორიის ფაკულტეტზე აზიისა და აფრიკის ქვეყნების ახალ ისტორიაში,წყაროთმცოდნეობა-ისტორიოგრაფიაში,სომხურ-ქართულ ისტორიულ-ლიტერატურულ ურთიერთობებში,თურქეთისა და ისრაელის შუა საუკუნეების ისტორიაში, აღმოსავლეთის ფილოსოფიური და რელიგიური მიმდინარეობების ისტორიაში. 2002-2007წწ. მიწვეული იყო სულხან-საბა ორბელიანის სახელობის პედაგოგიური უნივერსიტეტის ფაკულტეტზე. 2004 წელს გახდა ამავე უნივერსიტეტის დოცენტი. 2004-2006წწ. მონაწილეობდა სამეცნიერო პროექტში "ისლამური ერთობის იდეის გავლენა სამხრეთ კავკასიის ქვეყნებზე". 2008-2010წწ. მუშაობდა პროექტზე "განდისტური თვითრეალიზაციის თეორია და ისტორიული სინამდვილე". დამთავრებული აქვს აგრეთვე იტალიური ენისა და მხატვრული თარგმანის (ინგლისური ენა და ლიტერატურა) ფაკულტეტები. თარგმნა ოსკარ უაილდისა და ამბროსი ბირსის ნაწარმოებები. დაიბეჭდა ვაჰან ტერიანისა და არშაკ ჩოპანიანის ლექსები თარგმანები. არის ისტორიის მეცნიერებათა დოქტორი.

საკანდიდატო დისერტაციის თემა -"სიმეონ ერევანცის "მემუარების" ცნობები საქართველოს შესახებ"; სადოქტორო დისერტაციის თემა -"განდის მოძღვრების ძირითადი ასპექტები", დაიცვა 2007 წელს.

• ინდოეთის ლიდერები და დასავლეთის თეოსოფიური საზოგადოებანი (თანაავტორი). - თბილისი, თსუ გამომც., 2005. - 247გვ.. - ISBN: 99940-12-79-7
• ჰინდუიზმის მოდიფიკაციის ცდები : კრებული (თანაავტორი). - თბილისი, 2005. - 160გვ.. - ISBN: 99940-0-172-8
• ინდური დემოკრატიის შესახებ : ქართული დიპლომატია (თანაავტორი). - თბილისი, თსუ გამომც., 2005. - 579გვ.
• ამერიკული ტრანსცენდენტალიზმისა და მაჰათმა განდის მოძღვრების საერთო ასპექტები : ამერიკის შესწავლის საკითხები (თანაავტორი). - თბილისი, თსუ გამომც., 2005. - 674გვ.
• მაჰათმა განდი-ჰინდუ თუ ჯაინი : საისტორიო ძიებანი (თანაავტორი). - თბილისი, თსუ სოხუმის ფილიალის გამომც., 2004. - 334გვ.
• მაჰათმა განდი და ანარქიზმი : საისტორიო შტუდიები (თანაავტორი). - თბილისი, ენა და კულტურა, 2003. - 206გვ.. - ISBN: 99940-23-42-X
• საქართველო სიმეონ ერევანცის "მემუარებში" (ავტორი). - თბილისი, თბილ. უნ-ტის გამ-ბა, 1997. - 203გვ.