ბანოვანი

დაბადების ადგილი: სოფელი ლაჯანა, ცაგერის რაიონი.

მისი მოთხრობები, ესკიზები, ეთნოგრაფიული წერილები, ლეჩხუმიდან გამოგზავნილი კორესპონდენციები 1898 წლიდან ქართულ ჟურნალ-გაზეთებში ("ივერია", "ცნობის ფურცელი", "შრომა", "მეგობარი", "ისარი", "თემი", "ამირანი", "სახალხო გაზეთი") იბეჭდებოდა. ბანოვანის წერილების უმრავლესობა მიმართული იყო ადგილობრივი მემამულეებისა და მეფის მოხელეთა თვითნებობის წინააღმდეგ. ბანოვანი 1905-1907წწ. რევოლუციის მონაწილე და იმდროინდელი ლეჩხუმის თვალსაჩინო საზოგადო მოღვაწე იყო. აქ მან დააარსა რამდენიმე ბიბლიოთეკა, ხელმძღვანელობდა სცენისმოყვარეთა წრეებს. 1920 წლიდან ბანოვანი თბილისში ცხოვრობდა. 1928 წელს ჟურნალ "მნათობში" (№ 5-9) გამოაქვეყნა რომანი "სამართალს სისხლით მოვძებნი". ვრცელ ისტორიულ რომანში "შორეული ლანდები" (დაიბეჭდა 1959, 1960) ბანოვანი ასახავს XVII საუკუნის საქართველოს სინამდვილეს. დაწერილი აქვს მოთხრობებიც - "ღების ბატონი", "ქალი" და სხვა.

წყარო: ქართული საბჭოთა ენციკლოპედია:ტ. 2.-თბ., 1977.-გვ. 194; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.128

• შორეული ლანდები : რომანი (ავტორი). - თბილისი, მერანი, 1992. - 608გვ.