ელეფთერ ანდრონიკაშვილი

დაბადების ადგილი: ქ. პეტერბურგი.

დაამთავრა ლენინგრადის პოლიტექნიკური ინსტიტუტის ფიზიკა-მექანიკის ფაკულტეტი 1932 წელს.

1932 წელს  მუშობა დაიწყო აეროჰიდროდინამიკის ცენტრალურ ინსტიტუტში (ცაგი). 1934-1945წწ. ლექციებს კითხულობდა თბილისის სახელმწიფო უნივერსიტეტში; 1948 წლიდან - პროფესორი; ხელმღვანელობდა უნივერსიტეტის ექსპერიმენტული ფიზიკის კათედრას; 1951 წლიდან - საქართველოს მეცნიერებათა აკადემიის ფიზიკის ინსტიტუტის დირექტორი. მუშობდა უმთავრესად კვანტური ჰიდროდინამიკის დარგში. მან ექსპერიმენტულად დაამტკიცა, რომ ზედაბალ ტემპერატურაზე თხევად ჰელიუმში ადგილი აქვს ორი სახის მოძრაობას: ნორმელურს (ბლანტს) და ზედენადს; გაზომა He II ნორმალური კომპონენტის ფარდობითი სიმკვრივისა და სიბლანტის დამოკიდებულება ტემპერატურაზე. დაადგინა, რომ ზედენად ჰელიუმს შეუძლია ბრუნვა. უკანასკნელ წლებში თავის მოწაფეებთან ერთად შეისწავლა ამ ბრუნვის გამომწვევი დაკვანტული გრიგალები. მძიმე არასტაბილური ნაწილაკების გენერაცია და კოსმოსური სხივების ფართო ატმოსფერული ღვარების მახასიათებლები. დისლოკაციების გაჩენა ნეიტრონებით კრისტალების დასხივებისას. დაადგინა, რომ ცხოველთა სიმსივნურ ქსოვილებში წყალი უფრო მოწესრიგებულ მდგომარეობაშია, ვიდრე ნორმალურ ქსოვილებში. გაზომა ბიოპოლიმერების შიგამოლეკულური დნობის სითბო. ფიზიკოსი, ექსპერიმენტული ფიზიკის ფუძემდებელი საქართველოში, ფიზიკა-მათემატიკის მეცნიერებათა დოქტორი, პროფესორი. მიღებული ჰქონდა სახელმწიფო ჯილდოები.

წყარო: ქართული საბჭოთა ენციკლოპედია: ტ.1.-თბ.,1975.-გვ.449; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.38; კარგ ქართველთა საფლავები: geonecropol.ge

• საქართველოს მეცნიერებათა აკადემია, აკადემიკოსი (1955-)

• 1952 - სსრკ სახელმწიფო პრემია (2 პრემია)
• საქართველოს მეცნიერებთა დამსახურებული მოღვაწე
• შრომის წითელი დროშის ორდენი
• ლენინის ორდენი

• ნილს ბორი საქართველოში : რუსულიდან თარგმნა თამაზ ებანოიძემ (ავტორი). - თბილისი, ინტელექტი, 2005. - 57გვ.
• Физика сверхтекучего гелия (ავტორი). - Тбилиси, Мецниереба, 1990. - 187с.
• Начинаю с Эльбруса... : Творческие портреты ученых (ავტორი). - Тбилиси, Мецниереба, 1982. - 334с.
• უყინავი სითხე (ავტორი) // მეცნიერება და ტექნიკა N1. - თბილისი, 1949. - გვ.15-19
• დისპერსული ფაზის დაგროვების კინეტიკა მექანიკური დისპერგირებისას (ავტორი) // საქართველოს სსრ მეცნიერებათა აკადემიის მოამბე, ტ. 4. - თბილისი, 1943. - გვ.861-867
• მექანიკური დისპერგირებით მიღებული ტყვიის ორგანოზოლების დისპერსობა (ავტორი) // საქართველოს სსრ მეცნიერებათა აკადემიის მოამბე ტ. 4. - თბილისი, 1943. - გვ.959-966