გიორგი ახვლედიანი

დაბადების ადგილი: სოფელი დერჩი, ახლანდელი წყალტუბოს მუნიციპალიტეტი.

დაამთავრა ხარკოვის უნივერსიტი 1914 წელს.

პეტერბურგის უნივერსიტეტში მუშაობდა ინდოლოგიაში, ირანისტიკასა და ზოგად და ექსპერიმენტული ფონეტიკაში. შედიოდა თბილისის უნივერსიტეტის პირველ პროფესორთა კოლეგიაში, გამოსცა პირველი საუნივერსიტეტო სახელმძღვანელოები:"ენათმეცნიერების შესავალი" (1918-1919), "სანსკრიტი" (1920). შექმნა ექსპერიმენტული ფონეტიკის ლაბორატორია, სხვადასხვა დროს კითხულობდა საუნივერსიტეტო კურსებს ენათმეცნიერებასა და ლიტერატურის ისტორიაში. საფუძველი ჩაუყარა საქართველოში ენათმეცნიერების კვლევა-ძიების საქმეს. 1923 წელს მისი ინიციატივით ჩამოყალიბდა "ქართული საენათმეცნიერო საზოგადოება". მისი ნაშრომები: "ზოგადი და ქართული ენის ფონეტიკის საკითხები" (ტ. 1, 1938), "ზოგადი ფონეტიკის საფუძვლები" (1949), "ზოგადი ფონეტიკის შესავალი" (1956), გამოირჩევა ორიგინალობით და საკვანძო საკითხების ახლებურად გაშუქებით. ახვლედიანმა გამოკვლევა მიუძღვნა ქართულ ენაზე მხატვრული თარგმნის თეორიულ და პრაქტიკულ საკითხებს. დიდი ამაგი დასდო ქართული საენათმეცნიერო ტერმინოლოგიის დადგენის საქმეს; პროფესორი (1918).

წყარო: ქართული საბჭოთა ენციკლოპედია: ტ. 2.-თბ.,1977.- გვ. 104; წყარო: ქართული ენა: ენციკლოპედია. - თბ. 2008. - გვ.71

• ამერიკის ლინგვისტური საზოგადოება, საპატიო წევრი (1940-)
• ექსპერიმენტული ფონეტიკის საერთაშორისო საზოგადოება, საპატიო წევრი (1932-)
• საქართველოს მეცნიერებათა აკადემია, აკადემიკოსი (1941-)
• სსრკ მეცნიერებათა აკადემია, წევრ-კორესპონდენტი (1939-)

• 1967 - ჩრდილო-ოსეთის მეცნიერების დამსახურებული მოღვაწე
• 1943 - საქართველოს მეცნიერებათა დამსახურებული მოღვაწე
• ლენინის ორდენი

• ზოგადი ფონეტიკის საფუძვლები (ავტორი). - თბილისი, პედ. უნ-ტის გამ-ბა, 1999. - 442გვ.
• ზოგადი ფონეტიკის შესავალი : სახელმძღვ. უნ-ტის სტუდენტებისათვის (ავტორი). - თბილისი, განათლება, 1966. - 208გვ.
• ქართულ-რუსული ლექსიკონი (შემდგენელი). - თბილისი, სახელგამი, 1950. - 479გვ.
• "სანსკრიტი" : მოკლე გრამატიკა და ნაწყვეტები კლასიკური სანსკრიტიდან და რიგვედიდან ლექსიკონითურთ (ავტორი). - ტფილისი, სახელმწ. უნ-ტის გამოცემა, 1920. - 114გვ.
• რუსული ენის გრამატიკა. უმაღლეს დაწყებით სასწავლებელთათვის : I. ფონეტიკა. II. მორფოლოგი (ავტორი). - ტფილისი, ქშწგ საზ-ბის გამოცემა, 1919. - 140გვ.