ქარდუხი ქარდა

დაბადების ადგილი: ქ. სოხუმი.

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის სოხუმის ფილიალის ისტორიის ფაკულტეტი 1996 წელს.

1992-1993წწ. მონაწილეობდა რუსეთ-საქართველოს ომში, აფხაზეთში. 1993 წლიდან ცხოვრობს ბათუმში, მუშაობს არქივში. 1994 წლიდან იწყება მისი მოთხრობებისა და თარგმანების გამოქვეყნება ჟურნალ-გაზეთებში. მისი პირველი ნოველა გამოქვეყნდა გაზეთ "აჭარაში" 1994 წელს; ამავე პერიოდიდან აქვეყნებს ამერიკული პოეზიის თარგმანებს; 2005 წელს გამოიცა ედგარ ლი მასტერსის პოემის "სფუნ რივერის ანთოლოგიის" მისეული თარგმანი წიგნად. 2011 წელს მისი რომანი "ძაფზე მოფარფატე სული" დიბეჭდა ჟურნალში "ჩვენი მწერლობა". მონაწილეობდა გამომცემლობა "ინტელექტის" პროექტში "ერთი შედევრის ყველა ქართული თარგმანი" (უოლტ უიტმენი, რადიარდ კიპლინგი). 2014 წელს გამომცემლობა "საუნჯემ" გამოსცა მისი რომანი "ძაფზე მოფარფატე სული". 2015 წელს კი გამოვიდა მისი მოთხრობების კრებული − "ბატიბუტის ჩურჩხელა".

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.314

• ჰერმესის დახლიდარები : რომანი (ავტორი). - თბილისი, პალიტრა L, 2020. - 352გვ.. - ISBN: 9789941324451
• ბატიბუტის ჩურჩხელა : და სხვა მოთხრობები (ავტორი). - ბათუმი, აჭარა, 2015. - 144გვ.. - ISBN: 9789994021956
• ძაფზე მოფარფატე სული : რომანი (ავტორი). - თბილისი, საუნჯე, 2013. - 244გვ.. - ISBN: 9789941451096
• სფუნ რივერის ანთოლოგია (მთარგმნელი). - ბათუმი, ალიონი, 2005. - 224გვ.. - ISBN: 99928-4307-1