გურამ თაყნიაშვილი

დაბადების ადგილი:  სოფელი მამულო, დმანისის რაიონი.

დაამთავრა თბილისის ა. ს. პუშკინის სახელობის სახელმწიფო პედაგოგიური ინსტიტუტის ბიბლიოთეკათმცოდნეობისა და ბიბლიოგრაფიის ფაკულტეტი 1966 წელს.

1966 წელს მუშაობა დაიწყო თბილისის ა. ს. პუშკინის სახელობის სახელმწიფო პედაგოგიური ინსტიტუტის ბიბლიოთეკაში ბიბლიოთეკარად; 1975-1982წწ. იყო ამავე ბიბლიოთეკის დირექტორი; 1982-2020წწ. მუშაობდა საქართველოს პარლამენტის ეროვნულ ბიბლიოთეკაში ბიბლიოთეკათმცოდნეობისა და სტანდარტიზაციის განყოფილების უფროსად; 1970-იანი წლებიდან იგი მონაწილეობდა პროფესორ-მასწავლებელთა ყოველწლიურ სამეცნიერო კონფერენციებში, აქვეყნებდა თეზისებსა და სტატიებს საბიბლიოთეკო საქმიანობის აქტუალურ საკითხებზე; ლექტორად მუშაობდა ექვთიმე თაყაიშვილის სახელობის თბილისის კულტურისა და ხელოვნების სახელმწიფო უნივერსიტეტში; 1995-1996წწ. მონაწილეობდა საბიბლიოთეკო საქმის იურიდიული საფუძვლების შემუშავებაში; განსაკუთრებული წვლილი მიუძღვის მას ჟურნალ "საქართველოს ბიბლიოთეკის" გამოცემის საქმეში; წერდა ლექსებს, გამოქვეყნებული აქვს 180-მდე სამეცნიერო ნაშრომი.

• სიტყვათშემოკლებანი ქართულ ბიბლიოგრაფიულ ჩანაწერებში : მეთოდ.-ინსტრუქც. წერილი ბიბლიოთეკების დასახმარებლად (რედაქტორი). - თბილისი, 2012. - 31გვ.. - ISBN: 978-9941-0-4005-4
• ელექტრონული რესურსების ბიბლიოგრაფიული აღწერილობა : სახელმძღვ. მასალა (რედაქტორი). - თბილისი, 2012. - 36გვ.. - ISBN: 978-9941-0-3235-6
• ბიბლიოთეკის მუშაობის ორგანიზაცია საჯარო სკოლებში : პრაქტ. სახელმძღვ. (შემდგენელი). - თბილისი, 2010. - 56გვ.. - ISBN: 978-9941-0-2753-6
• საბიბლიოთეკო დოკუმენტების სისტემატიზაცია : მეთოდ. რეკომენდაციები (ავტორი). - თბილისი, 2010. - 35გვ.. - ISBN: 978-9941-0-3059-8
• განწმენდისაკენ, განწმენდისაკენ : ლექსები (ავტორი). - თბილისი, 2010. - 88გვ.. - ISBN: 978-9941-9160-2-1
• საბიბლიოთეკო დოკუმენტების ანალიტიკური ბიბლიოგრაფიული აღწერილობა : მეთოდურ-ინსტრუქციული წერილი (რედაქტორი). - თბილისი, 2007. - 20გვ.
• ათწილადი კლასიფიკაცია : შემოკლებული და გადასაყვანი ცხრილები მასობრივი ბიბლიოთეკებისათვის (შემდგენელი). - თბილისი, 1996. - 21გვ.
• ბიბლიოთეკამცოდნეობის განვითარება საქართველოში (1900-1985 წ.წ) (ავტორი). - თბილისი, მეცნიერება, 1989. - 148გვ.