ლევან ასათიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1925 წელს.

მუშაობდა ჟურნალ "მნათობის" პასუხისმგებელ მდივნად, შოთა რუსთაველის სახელობის ქართული ლიტერატურის ინსტიტუტის უფროს მეცნიერ-თანამშრომლად. მისი რედაქციით გამოცემულია ქართველ კლასიკოსთა თხზულებანი ქართულ, რუსულ და სომხურ ენებზე. ავტორია წიგნებისა: "ვოლტერიანობა საქართველოში", მიძღვნილი XVIII-XIX საუკუნეების მიჯნაზე მოღვაწე პროგრესულად მოაზროვნე ქართველი მწერლებისადმი; "ძველი საქართველოს პოეტი ქალები", რომელშიც გამოქვეყნებული აქვს ქართული მწერლობის მანამდე უცნობი ნაწარმოებებიც; ვრცელი მონოგრაფია "ცხოვრება აკაკი წერეთლისა". მისი მრავალი წერილი აშუქებს ქართველ კლასიკოსებისა და საბჭოთა მწერლების შემოქმედების, აგრეთვე ქართულ-უცხოური ლიტერატურული ურთიერთობის საყურადღებო საკითხებს. მწერალი, ლიტერატურათმცოდნე, კრიტიკოსი, რედაქტორი და საზოგადო მოღვაწე. ლიტერატურათმცოდნე გურამ ასათიანის მამა.

წყარო: მამულიშვილთა სავანე. - თბ., 1994. - გვ.63; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.47; კარგ ქართველთა საფლავები: geonecropol.ge

• უბის წიგნაკი (ავტორი). - თბილისი, დიოგენე, 1998. - 92გვ.
• ცხოვრება აკაკი წერეთლისა (ავტორი). - თბილისი, სახელგამი, 1953. - 504გვ.
• ქართული მწერლობა : წერილების კრებული (ავტორი). - თბილისი, საბჭოთა მწერალის გამ-ბა, 1949. - 305გვ.
• წერილები ლიტერატურაზე (ავტორი). - თბილისი, სახელგამი, 1946. - 164გვ.
• წერილები (ავტორი). - თბილისი, საბჭოთა მწერალი, 1945. - 100გვ.
• ვოლტერიანობა საქართველოში : ნარკვევი (ავტორი). - ტფილისი, სახელგამი, 1933. - 134გვ.