აკაკი თელია

დაბადების ადგილი: ქ. ფოთი.

დაამთავრა თბილისის სახელმწიფო ინსტიტუტის სამკურნალო ფაკულტეტი 1942 წელს.

ინსტიტუტის დამთავრების თანავე (ომის პირობებში) გაიწვიეს საბჭოთა არმიის რიგებში, სადაც თავდაპირველად მუშაობდა ლეგიონის უმცროს ექიმად, ხოლო შემდეგ - ჰოსპიტალში ქირურგიული განყოფილების გამგედ. მეორე მსოფლიო ომის დამთავრების შემდეგ პედიატრიული და სანჰიგიენური ფაკულტეტის ჰოსპიტალური ქირურგიული კლინიკის კათედრაზე ორდინატორად დაიწყო მუშაობა; 1947-1952 წწ. იყო ქირურგიული განყოფილების გამგე; 1951 წელს ცოდნის გასაღრმავებლად იგი მოსკოვში მიავლინეს; 1968-1980 წწ. თბილისის სახელმწიფო ინსტიტუტის სამკურნალო ფაკულტეტის საფაკულტეტო ქირურგიული განყოფილების კათედრის პროფესორი; 1980-1986 წწ. კათედრის გამგე. ა. თელია იკვლევდა საჭმლის მომნელებელი ორგანოების დაავადებების კლინიკისა და ქირურგიული მკურნალობის თავისებურებებს; ბავშვთა და ჭაბუკთა ასაკის წყლულოვანი დაავადების ეტიოპათოგენეზს, კლინიკასა და ქირურგიული მკურნალობის თავისებურებებს. შეიმუშავა სტენოზით გართულებული წყლულოვანი დაავადების ორიგინალური კლასიფილაცია. ავტორია 120–მდე სამეცნიერო ნაშრომისა, რომელთაგან 5 მონოგრაფიაა. ქირურგი, მედიცინის მეცნიერებათა დოქტორი (1964), პროფესორი (1968).

წყარო: საქართველო: ენციკლოპედია: ტ. IV. -თბ., 2018. -გვ.35

• 1977 - საქართველოს სახელმწიფო პრემია
  ნაშრომთა ციკლისთვის "კუჭის პათოლოგიის პრობლემები"
• სამამულო ომის II ხარისხის ორდენი
• წითელი ვარსკვლავის ორდენი

• მწვავე პანკრეატიტი : კლინიკა და მკურნალობა (ავტორი). - თბილისი, განათლება, 1993. - 192 გვ.. - ISBN: 5-505-01800-9
• კუჭის ანომალიის იშვიათი შემთხვევა (ავტორი) // საბჭოთა მედიცინა N1. - თბილისი, 1974. - 47-49გვ.
• სტენოზით გართულებული წყლულოვანი დაავადების კლინიკა და მკურნალობა (ავტორი). - თბილისი, საქმედგამი, 1956. - 199გვ.