სიმონ ხეჩინაშვილი

დაბადების ადგილი: ქ. ქუთაისი.

დაამთავრა თბილისის სამედიცინო ინსტიტუტი 1941 წელს.

1941-1942წწ. მუშაობდა ქ. თბილისის N1 ტუბ-დისპანსერის ორდინატორად; 1942-1946წწ. საქართველოს რესპუბლიკის ჯანდაცვის სამინისტროს ცენტრალური კლინიკური საავადმყოფოს ორდინატორად. 1946-1951წწ. ქ. თბილისის ექიმთა დახელოვნების ინსტიტუტის ყელ-ყურ-ცხვირის კლინიკის ასისტენტად. 1951-1952წწ. ქ. თბილისის ექიმთა დახელოვნების ინსტიტუტის ყელ-ყურ-ცხვირის კლინიკის დოცენტია. 1952-1979 წლებში მუშაობდა ქ. თბილისის ექიმთა დახელოვნების ინსტიტუტის ოტორინოლარინგოლოგიის კათედრის გამგის მოადგილედ. 1952 წლიდან ის მედიცინის მეცნიერებათა დოქტორია; 1953 წლიდან პროფესორი. 1979 წლიდან არჩეულ იქნა ქ. თბილისის ექიმთა დახელოვნების ინსტიტუტის რექტორად. მისი კვლევის ძირითად საგანს წარმოადგენდა: ადამიანის სმენისა და ვესტიბულატორული ფუნქციები, ყურისა და ხორხის ქირურგიული საკითხები, ოტოსკლეროზის დროს სმენის გასაუმჯობესებელი ოპერაციების სრულყოფა და მისი პრაქტიკაში დანერგვა (რისთვისაც 1964 წელს მიენიჭა საკავშირო ლენინური პრემია). იყო ბერლინის ჰუმბოლდტის სახელობის უნივერსიტეტის საპატიო დოქტორი და გერმანიის საბუნებისმეტყველო აკადემიის წევრი, ასევე ბულგარეთის, ჩეხეთის, უნგრეთის ოტორინოლარინგოლოგთა საზოგადოებების საპატიო წევრი. არის 180 სამეცნიერო ნაშრომის, აქედან 4 მონოგრაფიის ავტორი. ექიმისა და საზოგადო მოღვაწის სიმონ ხეჩინაშვილის შვილიშვილი. ოტორინოლარინგოლოგი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.474; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.448; ქართველი კათოლიკე ექიმები, ნაწ.1. -თბ., 2024. -გვ.102-110

• საბჭოთა კავშირის სამეცნიერო საზოგადოება, თავმჯდომარის მოადგილე (1982-)
• საქართველოს მეცნიერებათა აკადემია, აკადემიკოსი (1996-2010)
• საქართველოს ოტორინოლარინგოლოგთა საზოგადოება, თავმჯდომარე (1972-)
• სსრკ მედიცინის მეცნიერებათა აკადემია, აკადემიკოსი (1980-)

• 1996 - ღირსების ორდენი
  საქართველოში ჯანმრთელობის დაცვის საქმეში შერტანილი მნიშვნელოვანი წვლილისათვის, ნაყოფიერი და პედაგოგიური მოღვაწეობისათვის
• 1986 - თბილისის საპატიო მოქალაქე
• 1979 - ოქტომბრის რევოლუციის ორდენი
• 1971 - წითელი დროშის ორდენი
• 1966 - ლენინის ორდენი
• 1965 - საქართველოს მეცნიერებათა დამსახურებული მოღვაწე
• 1964 - ლენინური პრემია

• ოპტიმალურიტაქტიკა ცხვირიდან ძლიერი სისხლდენის შემთხვევებში : საერთაშორისო სამეცნიერო კონფერენცია (თანაავტორი) // ბიოლოგიისა და მედიცინის აქტუალური პრობლემები, ტ. 1. - თბილისი, 2001. - გვ.197-200
• მიკროქირურგიული მეთოდების გამოყენება ცხვირის პოლიპოზის შემთხვევაში : საერთაშორისო სამეცნიერო კონფერენცია (თანაავტორი) // ბიოლოგიისა და მედიცინის აქტუალური პრობლემები. - თბილისი, 2001. - გვ.189-192
• ორმომენტიანი ოპერაცია უზანგზე მენიერის დაავადების დროს (ავტორი) // საქართველოს სსრ მეცნიერებათა აკადემიის მოამბე, ტ. 1. - თბილისი, 1965. - გვ.219-223
• სასის ნუშისებრი ჯირკვლების ფუნქციის შესწავლის ახალი მეთოდიკა (ავტორი) // საქართველოს სსრ მეცნიერებათა აკადემიის მოამბე, ტ. 16. - თბილისი, 1955. - გვ.369-374
• სმენის ორგანოს დაზიანებათა დიფერენციული დიაგნოსტიკის საკითხისათვის (ავტორი) // ექიმთა დახელოვნების თბილისის სახელმწიფო ინსტიტუტის შრომები, ტ. 2. - თბილისი, 1951. - გვ.25-31