კონსტანტინე ერისთავი

დაბადების ადგილი: სოფელი სალომინაო, ვანის რაიონი.

დაამთავრა იურიევის (ახლანდელი ტარტუ) უნივერსიტეტის სამედიცინო ფაკულტეტი 1914 წელს.

პირველი მსოფლიო ომის დროს ის იბრძოდა მოქმედ არმიაში. 1918 წელს დაბრუნდა საქართველოში. 1941 წლამდე ის ჯერ თბილისის სახელმწიფო უნივერსიტეტში, შემდეგ კი სამედიცინო ინსტიტუტში განაგებდა ზოგადი ქირურგიის, 1941–1950წწ. საფაკულტეტო ქირურგიის, ხოლო 1949–1960წწ. ჰოსპიტალური ქირურგიის კათედრებს. სხვადასხვა დროს იყო თბილისის რკინიგზის საავადმყოფოს უფროსი, თბილისის სამედიცინო ინსტიტუტის დირექტორი, საქართველოს ჯანდაცვის სამინისტროს სისხლის გადასხმის ინსტიტუტის დირექტორი, ექსპერიმენტული და კლინიკური ქირურგიის ინსტიტუტის დირექტორი. ხელმძღვანელობდა საქართველოს მეცნიერებათა აკადემიის ბიოლოგიისა და მედიცინის განყოფილებას. კ. ერისთავმა დანერგა საქართველოში გულის, სისხლძარღვების, ფილტვების, საყლაპავი მილის, თავის ტვინისა და სხვა ოპერაციები. დიდი წვლილი მიუძღვის ტრავმატოლოგიისა და ონკოლოგიის განვითარების საქმეში.  

წყარო: მამულიშვილთა სავანე. - თბ., 1994. - გვ.135

• საქართველოს მეცნიერებათა აკადემია, აკადემიკოსი (1950-)
• საქართველოს ქირურგიული საზოგადოება, საპატიო თავმჯდომარე
• ჯანდაცვის სამინისტროს სამეცნიერო საბჭო, თავმჯდომარე

• საპატიო ნიშნის ორდენი
• წითელი ვარსკვლავის ორდენი
• შრომის წითელი დროშის ორდენი
• ლენინის ორდენი
• საქართველოს სახელმწიფო პრემია
• საქართველოს მეცნიერებათა დამსახურებული მოღვაწე

• მუცლის წინა კედლის დიდი ვენტრალური თიაქრების ალოპლასტიკური მასალით (ნეილონის ბადით) მკურნალობის საკითხისათვის : კლინიკ-ექსპერიმ. ნარკვევი (ავტორი). - თბილისი, საბჭ. საქართველო, 1960. - 33გვ.
• Медицинская наука в Советской Грузии : Клинич. медицина (ავტორი). - Тбилиси, Грузмедгиз, 1957. - 72с.
• საბჭოთა ქირურგიის უახლესი მიღწევები (ავტორი). - თბილისი, საქ. სსრ. პოლიტ. და მეცნ. ცოდნის გამავრც. საზ-ბა, 1955. - 28გვ.
• გულის ჭრილობა და მისი მკურნალობა. (ეკსპერიმენტალური და კლინიკური დაკვირვება) : მოხსენდა ქართველ ექიმთა და ბუნებისმეტყველთა საზოგადოებას (ავტორი). - ტფილისი, 1929. - 111გვ.
• ჩირქოვანი პლევრიტების მკურნალობის შესახებ (ავტორი) // N 10-11: თანამედროვე მედიცინა. - ტფილისი, 1927. - 526-536გვ.