გელა მუხაშავრია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1964 წელს.

1964-1970წწ. - ქარელის რაიონული საავადმყოფოს ზოგადი ქირურგი; 1967-1983წწ. - მოსკოვის კოლოპროქტოლოგიის ინსტიტუტის თანამშრომელი; 1970-1971წწ. - თბილისი მე–9 საავადმყოფოს ზოგადქირურგიული კლინიკის ექიმი-ორდინატორი; 1972-1983წწ. - ჩირქოვანი ქირურგიისა და პროქტოლოგიის განყოფილების გამგე; 1983 წლიდან - საქართველოს პროქტოლოგიის ცენტრის დირექტორი. ავტორია სახელმძღვანელოსი – "პროქტოლოგია" (1998), მონოგრაფიისა – "ჰემოროიდული დაავადებების ქირურგიული მკურნალობა" (2002) და 35 სამეცნიერო სტატიისა. თანაავტორებთან ერთად განსაკუთრებული მნიშვნელობის პუბლიკაციები აქვს გამოქვეყნებული იტალიასა (Techniques in Coloproctology, 2009 : Mukhashavria Gela A; Qarabaki Maia A.) და ამერიკის შეერთებულ შტატებში (Disease of the Colon and Rectum, 2011 : Mukhashavria Gela A; Qarabaki Maia A.; Journal of Gastrointestinal Surgery, 2013: Qarabaki Maia A; Mukhashavria Gela A; Mukhashavria Gia G; Giorgadze Nodari G.). ექიმი-პროქტოლოგი, მედიცინის მეცნიერებათა დოქტორი (2004).

საკანდიდატო დისერტაციის თემა – "ანალური ნაპრალის პათოგენეზი და ქირურგიული მკურნალობის ახალი მეთოდი", დაიცვა 1992 წელს; სადოქტორო დისერტაციის თემა – "ჰემოროიდული დაავადებების ქირურგიული მკურნალობა", დაიცვა 2004 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.210; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.353

• საქართველოს და თბილისის ქირურგთა ასოციაცია, წევრი
• საქართველოს კოლოპროქტოლოგთა ასოციაცია, პრეზიდენტი (2012-)

• 2016 - თბილისის საპატიო მოქალაქე

• ჰემოროიდული დაავადების ქირურგიული მკურნალობა (Author). - თბილისი, 2002. - 182გვ.. - ISBN: 99928-0-351-7
• პროქტოლოგია (Author). - თბილისი, 1998. - 240გვ.