გოგი ოჩიაური

დაბადების ადგილი: სოფელი შუაფხო, დუშეთის რაიონი.

დაამთავრა თბილისის სახელმწიფო სამხატვრო აკადემიის ქანდაკების ფაკულტეტი 1953 წელს; ასპირანტურა 1957 წელს.

იყო თბილისის სახელმწიფო სამხატვრო აკადემიის პროფესორი, ქანდაკების ფაკულტეტის სამხატვრო კლასის ხელმძღვანელი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ფორმა: მაჟორიტარული, მაჟორიტარი დუშეთის N28 საარჩევნო ოლქიდან; ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი); 2012-2015წწ. საქართველოს მე-8 მოწვევის პარლამენტის წევრი, საარჩევნო ბლოკი: "ერთიანი ნაციონალური მოძრაობა - "მეტი სარგებელი ხალხს", საარჩევნო ფორმა: პარტიული სიით; 1953 წლიდან მონაწილეობდა რესპუბლიკურ, საკავშირო და საზღვარგარეთ გამართულ გამოფენებში. ავტორია ნამუშევრებისა: "ვაჟა–ფშაველა" (1972), "ზღვა", "შენ ხარ ვენახი" (1964), "ქალის ტორსი" (ადლერი, 1969), "სიცოცხლის ხე" (ტექსელი, 1977), "რექვიემი" (1981-1985); ალეგორიური ქანდაკებისა "მუსიკა", "რესტავრაცია" (მოსკოვი); არის დამდგმელი მხატვარი ფილმისა "ალავერდობა"; ავტორი სამენოვანი წიგნისა  – "ევროპული ქანდაკების ბუნებისათვის" (2002). მიღებული აქვს "წლის საუკეთესო ადამიანი" წოდება (აშშ, 1998). სკულპტურის პროფესორი.

წყარო: საქართველოს პარლამენტის ვებ-გვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 284

• თბილისის სახელმწიფო სამხატვრო აკადემია, საპატიო დოქტორი (2006-)
• რუსეთის სამხატვრო აკადემია, საპატიო აკადემიკოსი (2001-)
• საქართველოს მე-8 მოწვევის პარლამენტი, წევრი (2012-2015)
• საქართველოს მე-8 მოწვევის პარლამენტის გარემოს დაცვისა და ბუნებრივი რესურსების კომიტეტი, წევრი (2012-2015)
• საქართველოს მე-8 მოწვევის პარლამენტის ფრაქცია "ერთიანი ნაციონალური მოძრაობა", წევრი (2012-2015)
• საქართველოს მხატვართა კავშირი, თავმჯდომარე (1997-)
• საქართველოს მხატვართა კავშირი, წევრი (1956-)
• საქართველოს რესპუბლიკის პირველი მოწვევის უზენაესი საბჭო, წევრი (1991-1992)

• 2012 - ბრწყინვალების საპრეზიდენტო ორდენი
  ქართული სახვითი ხელოვნების განვითარებაში შეტანილი პირადი წვლილისთვის, ნაყოფიერი საზოგადოებრივი, შემოქმედებითი და პედაგოგიური მოღვაწეობისთვის
• 2012 - ღირსების ორდენი
• 2001 - ჩარგლის საპატიო მოქალაქე
• 1989 - საქართველოს სახელმწიფო პრემია
• 1988 - სსრკ სახელმწიფო პრემია
• 1986 - ხალხთა მეგობრობის ორდენი
• 1980 - საქართველოს სახალხო მხატვარი

• ევროპული ქანდაკების ბუნებისათვის = On the nature of european sculpture = O природе европейской скульптуры (ავტორი). - თბილისი, მერანი, 2002. - 124გვ.