თამაზ ჭელიძე

დაბადების ადგილი: ქ. ქუთაისი.

დაამთავრა მოსკოვის მიხეილ ლომონოსოვის სახელობის უნივერსიტეტი 1957 წელს.

1992–2007წწ. იყო საქართველოს მეცნიერებათა აკადემიის მ. ნოდიას სახელობის გეოფიზიკის ინსტიტუტის დირექტორი; ამავე ინსტიტუტის ექსპერიმენტული გეოფიზიკის განყოფილების გამგე; 1997–2007წწ. თბილისის სახელმწიფო უნივერსიტეტის გეოფიზიკური ძიების კათედრის გამგე; 1996 წლიდან ევროპის საბჭოსთან არსებული სპეციალიზირებული ცენრტის "მაღლივი კაშხალების გეოდინამიკური რისკი"-ს დირექტორი; 1996–2007წწ. საქართველოს მუდმივი კორესპოდენტი ევროპის საბჭოს ღია წილობრივ შეთანხმებაში დიდი კატასტროფების შესახებ; საქართველოს მეცნიერებათა აკადემიასთან არსებული სეისმოლოგიისა და სეისმური პროგნოზის საბჭოს თავმჯდომარე; 1987–1992წწ. იყო სტრასბურგის უნივერსიტეტის მიწვეული პროფესორი; 1995–1997წწ. რენის უნივერსიტეტის (საფრანგეთი) მიწვეული პროფესორი, ხოლო 2000 წელს "ეკოლ ნორმალ სუპერიორ"–ის მიწვეული პროფესორი (პარიზი). 2023 წლიდან არის საქართველოს მეცნიერებათა ეროვნული აკადემიის დედამიწის შემსწავლელი განყოფილების აკადემიკოს-მდივანი; იქვე − საგამომცემლო-სარედაქციო საბჭოსა და ჟურნალ  "მოამბის"  სარედაქციო საბჭოს წევრი (2023 წლიდან). 1990-2006წწ. ეწეო­და  ნაყოფიერ პედაგოგიურ  მოღვაწეობას, კითხულობდა ლექციებს  თბილისის სახელმწიფო უნივერსიტეტის გეოლოგიის ფაკულტეტზე. არის 300 სამეცნიერო სტატიისა და 6 მონაგრაფიის ავტორი და თანაავტორი.

წყარო: თსუ მ. ნოდიას გეოფიზიკის ინსტიტუტი: ig-geophysics.ge; წიგნი ღირსებისა: ტ. 5./ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ. 194; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• ამერიკის გეოფიზიკური საზოგადოება, წევრი
• ამერიკის სეისმოლოგიური საზოგადოება, წევრი
• ევროპის ექსპერტთა საბჭო, წევრი (2001-)
• ინგლისის სამეფო ასტრონომიული საზოგადოება, საპატიო წევრი (2021-)
• მსოფლიოს ინოვაციური ფონდი, წევრი
• საქართველოს ეკოლოგიურ მეცნიერებათა აკადემია, წევრი
• საქართველოს მეცნიერებათა აკადემია, აკადემიკოსი

• 2013 - თბილისის საპატიო მოქალაქე
• 2009 - მ. ნოდიას სახელობის პრემია
  გეოფიზიკის დარგში
• 2000 - ღირსების ორდენი

• ისტორიული მიწისძვრები საქართველოში (1900 წ.-მდე)-წყაროების ანალიზი და კატალოგის შედგენა = Historical earthquakes in Georgia (up to 1900) : Source analysis and catalogue compilation (თანაავტორი). - თბილისი, 24 საათი, 2011. - 78გვ.
• გეოფიზიკური მეთოდები ბუნების დაცვაში (ავტორი). - თბილისი, 2004. - 267გვ.
• სირთულე ბუნების სტრუქტურასა და დინამიკაში. ფრაქტალები, ქაოსი და დროითი სერიების არაწრფივი ანალიზი : დამხმ. სახელმძღვ. (თანაავტორი). - თბილისი, გეოპრინტი, 2000. - 249გვ.
• ნარკვევები ქანების ფიზიკაში (ავტორი). - თბილისი, თბილ. უნ-ტის გამ-ბა, 1983. - 264გვ.