ჯუმბერ ლომინაძე

დაბადების ადგილი: ქ. თბილისი.

დაამთავრა მ. ლომონოსოვის სახელობის მოსკოვის სახელმწიფო უნივერსიტეტის ფიზიკის ფაკულტეტი 1955 წელს. 

1956-1958 წწ. მუშაობდა სსრკ ბირთვული იარაღის დამუშავების ცენტრში - "ჩელიაბინსკი-70" (ახლანდელი სნეჟინსკი) ინჟინრად, 1958-1962 წწ. საქართველოს მეცნიერებათა აკადემიის ფიზიკის ინსტიტუტში უმცროს მეცნიერ თანამშრომლად; 1962-1973 წწ. ივანე ჯავახიშვილის სახელობის თბილისის სახელმწიფო უნივერსიტეტის გამოყენებითი მათემატიკის ინსტიტუტის პლაზმური პროცესების მათემატიკური მოდელირების განყოფილების ხელმძღვანელად; 1974-1982 წწ. საქართველოს მეცნიერებათა აკადემიის სწავლული მდივნის მოადგილედ, 1982 წლიდან  საქართველოს მეცნიერებათა აკადემიის მათემატიკისა და ფიზიკის განყოფილების აკადემიკოს მდივანად; 1979-1992 წწ. იყო საქართველოს მეცნიერებათა აკადემიის ევ. ხარაძის სახელობის აბასთუმნის ასტროფიზიკური ობსერვატორიის თეორიული ასტროფიზიკის განყოფილების ხელმძღვანელი; 1992–2000 წწ. აბასთუმნის ნაციონალური ასტროფიზიკის ობსერვატორიის დირექტორი; 1997–2003 წწ. საქართველოს ცენტრალური საარჩევნო კომისიის თავმჯდომარე; 2003–2006 წწ. საქართველოს კოსმოსური სააგენტოს ხელმძღვანელი; 2006 წლიდან საქართველოს მ. ნოდიას გეოფიზიკის ინსტიტუტის კოსმოსური კვლევების ცენტრის ხელმძღვანელი. 1960-2005 წწ. პედაგოგიურ მოღვაწეობას ეწეოდა ივანე ჯავახიშვილის სახელობის თბილისის სახელმწიფო უნივერსიტეტსა და სულხან-საბა ორბელიანის სახელობის სახელმწიფო პედაგოგიურ უნივერსიტეტში. გამოქვეყნებული აქვს 250 ნაშრომი. ფიზიკა-მათემატიკის მეცნიერებათა კანდიდატი (1964), ფიზიკა-მათემატიკის მეცნიერებათა დოქტორი (1974), პროფესორი (1982). 

წყარო: ქართული საბჭოთა ენციკლოპედია:ტ. 6.-თბ.,1983.- გვ.286; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.137; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.261; საქართველო: ენციკლოპედია: ტ.5. -თბ.,2023. -გვ.417-418

• საქართველოს მეცნიერებათა აკადემია, აკადემიკოსი (1988-2014)
• საქართველოს მეცნიერებათა აკადემია, წევრ–კორესპონდენტი (1979-)

• 2002 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  საბუნებისმეტყველო მეცნიერებათა დარგში 1979-1999 წლებში შესრულებულ შრომათა ციკლისათვის - ''დინამიკური პროცესები წანაცვლებით დინებებში და მათი გამოვლინება ასტროფიზიკურ ობიექტებში''.
• 2000 - ვახტანგ გორგასლის III ხარისხის ორდენი

• ადგილობრივი წარმომადგენლობითი ორგანოების-საკრებულოების 1998 წლის 15 ნოემბრის არჩევნები : (სტატ. მასალები) (რედაქტორი). - 1999. - 545გვ.
• Циклотронные волны в плазме (ავტორი). - Тбилиси, Мецниереба , 1975. - 223с.