როინ აბუსელიძე

დაბადები ადგილი: ქ. ბათუმი.

დაამთავრა ბათუმის შოთა რუსთაველის სახელმწიფო უნივერსიტეტი 2009 წელს, სოციალურ მეცნიერებათა  ფაკულტეტი, ჟურნალისტიკის განხრით.

ლექსების წერა 14 წლის ასაკში დაიწყო. მისი ლექსები იბეჭდება ჟურნალ-გაზეთებში: "ჭოროხი", "კვირის პალიტრა"; გამოცემული აქვს ერთი კრებული "ოცდაერთის გამოღმა და ოცდაერთის გაღმა" (2010 წ). ამავე წელს გამოიცა რ. აბუსელიძისა და მისი სამი მეგობრის ლექსების კრებული "ა ბ გ დ". 2011 წელს გამოვიდა კიდევ ერთი კრებული "მეცხრე ტალღა", რომელშიც როინისა და კიდევ რვა ბათუმელი პოეტის ლექსები შევიდა. მისი ლექსები 2010 წლიდან იბეჭდება, როგორც ქართულ, ასევე უცხოურ ჟურნალ-გაზეთებში. იგი მრავალი ჯილდოსა და პრემიის მფლობელია. 2014-2018 წლებში მისი ლექსები ითარგმნა ინგლისურ, ფრანგულ, გერმანულ, ბერძნულ, სომხურ, არაბულ და რუსულ ენებზე. არის ლიტერატურული კონკურსის - "ლექსების გამოფენა" გამარჯვებული (2010), თბილისის მერიის კონკურსის ორგზის ლაურეატი (2016); მიღებული აქვს პრემია ზურაბ გორგილაძის შემოქმედების პოპულარიზაციისთვის, იერუსალიმის პატრიარქის საპატიო ორდენი. არის "აჭარის მწერალთა სახლის" ლიტერატურული ღონისძიებების ორგანიზატორი.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.7; poetry.ge

• 2017 - წინანდლის პრემია
• 2015 - ფრიდონ ხალვაშის სახელობის პრემია
• 2013 - ზურაბ გორგილაძის სახელობის პრემია
• 2010 - ნიკოლოზ ბარათაშვილის სახელობის პრემია

• მეცხრე ტალღა : ახალგაზრდა პოეტების ლექსები (თანაავტორი). - თბილისი, შპს გამ-ბა "ლამპარი-99", 2011. - 195გვ.. - ISBN: 978-9941-9205-5-4
• ახალგაზრდა პოეტები : ასი ლექსი (თანაავტორი). - თბილისი, ინტელექტი, 2010. - 172გვ.. - ISBN: 978-9941-420-09-2