დიმიტრი ბაქრაძე

დაბადების ადგილი: სოფელი ხაშმი, საგარეჯოს რაიონი. დაამთავრა თბილისის სასულიერო სასწავლებელი, შემდეგ მოსკოვის სასულიერო აკადემია 1850 წელს.

1852-1853წწ. მუშაობდა გორის სამაზრო სკოლაში; ამავე პერიოდში აქვეყნებდა ისტორიულ-ეთნოგრაფიულ წერილებს ქართულ და რუსულ პერიოდულ პრესაში; 1858-1861წწ. მსახურობდა ქუთაისის გუბერნატორის კანცელარიაში; 1861 წლიდან თანამშრომლობდა კავკასიის არქეოგრაფიულ კომისიაში. 1889 წელს მისი ინიციატივით შეიქმნა სიძველეთა თავმოყრისა და დაცვის ერთ-ერთი უმნიშვნევანესი კერა რევოლუციამდელ საქართველოში - თბილისის საეკლესიო მუზეუმი. სამეცნიერო მიზნით იმოგზაურა საქართველოს სამხრეთ-დასავლეთ რაიონებში, მოგზაურობის შედეგი იყო ნაშრომები: "არქეოლოგიური მოგზაურობა გურიასა და აჭარაში" (1878), "შენიშვნა ბათუმის ოლქის შესახებ", "ყარსის ოლქის ისტორიულ-ეთნოგრაფიული ნარკვევი". მისი რედაქტორობით გამოქვეყნდა იოანე ბატონიშვილის "კალმასობა" (ნაწ. 1. 1862), ვახუშტის "საქართველოს ისტორია" (1885), ვახტანგ VI-ის კანონთა კრებულის რუსული თარგმანი (1887); ლექსიკონის სახით შეადგინა "კავკასია ქრისტიანობის უძველეს ძეგლებში" (1875, რუსულ ენაზე); 1889 წელს გამოაქვეყნა ნაშრომი "ისტორია საქართველოსი" (უძველესი დროიდან X საუკუნის დასასრულამდე).

წყარო: მამულიშვილთა სავანე. - თბ., 1994. - გვ.71; განმანათლებლობა საქართველოში იდეები და მოღვაწეები: nateba.webbreeze.net

• კავკასიის არქეოლოგიის მოყვარულთა საზოგადოება, დამფუძნებელი (1873-)
• კავკასის ისტორიისა და არქეოლოგიის საზოგადოება, თავმჯდომარე (1881-1886)
• პეტერბურგის მეცნიერებათა აკადემია, წევრ-კორესპონდენტი (1879-)
• საადგილმამულო კომისია, თავმჯდომარე

• გურიასა და აჭარაში მოგზაურობის ანგარიშები (ავტორი). - თბილისი, გურიის სულიერი და კულტ. ფასეულობების შესწ. და პოპულ. ცენტრი, 2007. - 44გვ.. - ISBN: 978-99940-62-86-7
• არქეოლოგიური მოგზაურობა გურიასა და აჭარაში (ატლასითურთ) (ავტორი). - ბათუმი, საბჭ. აჭარა, 1987. - 303 გვ.
• მირიან მეფე და წმინდა ნინო (ავტორი). - თბილისი, 1879. - 38გვ.
• საქართველო : ისტორიული და ეთნოგრაფიული გამოკვლევა (ავტორი). - ტიფლისი, 1877. - 223გვ.