ჯონი ხეცურიანი

დაბადების ადგილი: სოფელი ლაილაში, ცაგერის რაიონი.

დაამთავრა თბილისის სახელმწიფო უნივერსიტეტის იურიდიული (1973) და ეკონომიკის (1988) ფაკულტეტები.

1976–1979წწ. მუშაობდა საქართველოს მეცნიერებათა აკადემიის ეკონომიკისა და სამართლის ინსტიტუტში მეცნიერ თანამშრომლად; 1980–1985წწ. მუშაობდა ქ. თბილისისა და ქ. ქუთაისის პარტიულ ორგანიზაციებში, კურირებდა სამართალდამცავ ორგანოებს; 1985–1989წწ. სამეცნიერო მოღვაწეობა გააგრძელა საქართველოს მეცნიერებათა აკადემიის ეკონომიკისა და სამართლის ინსტიტუტის უფროს მეცნიერ თანამშრომლად, მართვის სამართლებრივი პრობლემების ლაბორატორიის ხელმძღვანელად, საქართველოს მეცნიერებათა აკადემიის სახელმწიფოსა და სამართლის კვლევის ცენტრის დირექტორის მოადგილედ სამეცნიერო დარგში. 1990 წელს დაინიშნა საქართველოს რესპუბლიკის იუსტიციის მინისტრის პირველ მოადგილედ, ხოლო 1990–1992წწ. იყო საქართველოს რესპუბლიკის იუსტიციის მინისტრი. 1992–1994წწ. იყო თბილისის სახელმწიფო უნივერსიტეტის დოცენტი, 1994 წლიდან კი - პროფესორი. 1995–1999წწ. მუშაობდა საქართველოს პრეზიდენტის საპარლამენტო მდივნად. 1999–2000წწ. იყო საქართველოს იუსტიციის მინისტრი, ხოლო 2000-2001წწ. საქართველოს პრეზიდენტის საპარლამენტო მდივანი. 2006 წლიდან  საქართველოს საკონსტიტუციო სასამართლოს მოსამართლე. სახელმწიფო ენის შესახებ კანონის (2015) პროექტების ერთ-ერთი ავტორი, საქართველოს სამოქალაქო კოდექსის კომენტარის თანაავტორი და ერთ-ერთი რედაქტორი (1999–2001). მინიჭებული აქვს იუსტიციის მთავარი სახელმწიფო მრჩევლის სპეციალური წოდება (1999) და უმაღლესი საკვალიფიკაციო კლასის მოსამართლის საკლასო ჩინი. (2001).  არის მრავალი სამეცნიერო ნაშრომისა და 10 წიგნის ავტორი.

საკანდიდატო დისერტაციის თემა - "მორალური ნორმების მნიშვნელობა სამოქალაქო სამართალში", დაიცვა 1977 წელს.

სადოქტორო დისერტაციის თემა - "სამოქალაქო სამართლის ფუნქციები", დაიცვა 1994 წელს.

წყარო: საქართველოს საკონსტიტუციო სასამართლოს ვებგვერდი: constcourt.ge; საქართველოს მეცნიერებათა ეროვნული აკადემია: science.org.ge;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• ევროსაბჭოს ვენეციის კომისია, წევრი (2003-2007)
• საქართველოს ეროვნული უშიშროების საბჭო, წევრი (1999-2000)
• საქართველოს იუსტიციის საბჭო, წევრი (1999-2001)
• საქართველოს მეცნიერებათა აკადემია, წევრ–კორესპონდენტი (2001-)
• საქართველოს მეცნიერებათა ეროვნული აკადემია, აკადემიკოსი
• საქართველოს საკონსტიტუციო სასამართლო, თავმჯდომარე (2001-2006)
• სახელმწიფო საკონსტიტუციო კომისია, წევრი
• ქართველ ტრადიციონალისტთა კავშირი, პოლიტ. მდივანი (1992-1995)

• 2014 - წმინდა გიორგის ოქროს ორდენი (საქართველოს ეკლესიის უმაღლესი ჯილდო)
• 2011 - საქართველოს მეცნიერებათა ეროვნული აკადემიის თ. წერეთლის სახელობის პრემია
• 1982 - საკავშირო ახალგაზრდული პრემია, მეცნიერების დარგში

• ძიებანი ქართულ სამართალმცოდნეობაში (ავტორი). - თბილისი, შპს "ფავორიტი პრინტი", 2011. - 256გვ.
• დამოუკიდებლობიდან სამართლებრივი სახელმწიფოსაკენ : პუბლიცისტური წერილები, ინტერვიუები (ავტორი). - თბილისი, აზრი, 2006. - 454გვ.. - ISBN: 99940-0-933-8
• სიკვდილით დასჯა : არგუმენტები და ფაქტები (ავტორი). - თბილისი, აზრი, 1997. - 73გვ.
• სამოქალაქო სამართლის ფუნქციები (ავტორი). - თბილისი, თბილ. უნ-ტის გამ-ბა, 1995. - 192გვ.. - ISBN: 5-511-00629-7
• სსრ კავშირის კონსტიტუცია და სოციალისტური კანონიერება (ავტორი). - თბილისი, მეცნიერება, 1979. - 95გვ.