გიორგი ჯაფარიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1975 წელს.

1978 წლიდან საქართველოს მეცნიერებათა აკადემიის ფიზიკის ინსტიტუტის ასპირანტი; 1983 წლიდან ფიზიკა-მათემატიკის მეცნიერებათა კანდიდატი; 1998 წელიდან ფიზიკა-მათემატიკის მეცნიერებათა დოქტორი; 1978-1982წწ. ე. ანდრონიკაშვილის სახელობის ფიზიკის ინსტიტუტის უმცროსი მეცნიერ-თანამშრომელი; 1982-1998წწ. უფროსი მეცნიერ-თანამშრომელი; 2005 წლიდან ამავე ინსტიტუტის წამყვანი მეცნიერ-თანამშრომელი და კონდენსირებულ გარემოთა ფიზიკის განყოფილების გამგე; 1998-2008წწ. თბილისის სახელმწიფო უნივერსიტეტის მოწვეული პროფესორი. მეცნიერული ინტერესების სფერო: დაბალგანზომილებიანი ძლიერად კორელირებული ელექტრონული და სპინური სისტემების თეორია, მეტალ-იზოლატორული გადავლების თეორია, მაღალტემპერატურული და სხვა უჩვეულო ზეგამტარი სისტემების თეორია, თეორიული ნანოფიზიკა და თანამედროვე ნანოელექტრონიკის მასალათმცოდნეობა. წლების განმავლობაში კითხულობს ლექციებს საქართველოს ტექნიკურ უნივერსიტეტში. 2003-2004წწ. იყო საქართველოს ეროვნული მეცნიერებათა აკადემიისის ვიცე-პრეზიდენტის მოვალეობის შემსრულებელი.  2013 წლიდან არის მათემატიკისა და ფიზიკის განყოფილებასთან არსებული ბირთვული ენერგიისა და რადიოაქტიური უსაფრთხოების კომისიის თავმჯდომარე; ავტორია 55-მდე სამეცნიერო ნაშრომის. მეცნიერებათა აკადემიის საგამომცემლო-სარედაქციო საბჭოს, ჟურნალ  "მოამბის" სარედაქციო საბჭოს (2018-დან)  და ქართული ენციკლოპედიის მთავარი სამეცნიერო საბჭოს წევრი (2019-დან). 2009 წლიდან ილიას სახელმწიფო უნივერსიტეტის საბუნებისმეტყველო მეცნიერული და მედიცინის ფაკულტეტის სრული პროფესორია. ხელმძღვანელობს სამაგისტრო და სადოქტორო პროგრამებს კონდენსირებულ გარემოთა ფიზიკის მიმართულებით.

წყარო: საქართველოს მეცნიერებათა ეროვნული აკადემია: science.org.ge; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• საქართველოს მეცნიერებათა აკადემიის მათემატიკისა და ფიზიკის განყოფილება, აკადემიკოს-მდივანი (2019-)
• საქართველოს მეცნიერებათა ეროვნული აკადემია, აკადემიკოსი
• საქართველოს მეცნიერებათა ეროვნული აკადემია, წევრ–კორესპონდენტი (2001-)
• საქართველოს ფიზიკოსთა საზოგადოება, წევრი

• 2011 - ე. ანდრონიკაშვილის სახელობის პრემია (საქართველოს მეცნიერებათა ეროვნული აკადემია)
  ფიზიკის დარგში

• ტექნიკური მექანიკა (ავტორი). - თბილისი, ტექნ. უნ-ტი, 2013. - 138გვ.. - ISBN: 978-9941-20-322-0