ლიანა ბურჭულაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სან-ჰიგიენური ფაკულტეტი 1964 ფაკულტეტი.

1962–1963წწ. იყო მარნეულის რაიონის კულარის საექიმო ჯანპუნქტის გამგე; 1963–1964წწ. ამავე რაიონის საავადმყოფოს კლინიკო–დიაგნოსტიკური ლაბორატორიის გამგე; 1965–1968წწ. კასპის რაისაავადმყოფოს თერაპევტი; 1968–1971წწ. თბილისის მე–2 სამშობიარო სახლის ექიმი–კარდეოლოგი; 1971–1972წწ. კარდიოლოგიის სამეცნიერო კვლევითი ინსტიტუტის ექიმი–ორდინატორი; 1974 წლიდან მუშაობს კურორტოლოგიისა და ფიზიოთერაპიის სამეცნიერო კვლევითი ინსტიტუტში კურორტული თერაპიისა და რეაბილიტაციის განყოფილების უფროს მეცნიერ–თანამშრომლად; 1990 წლიდან ხელმძღვანელობს გასტროლოგიურ ჯგუფს. ექიმი–თერაპევტი, კურორტოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "გულ–სისხლძარღვთა სისტემის ფუნქციური მდგომარეობა ღვიძლის რეგიონალური ჰემოდინამიკის დარღვევისას ფიზიკური თერაპიის გავლენით ქრონიკული არასპეციფიური რეაქტიული ჰეპატიტით დაავადებულებში", დაიცვა 1988 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.50

• ექიმთა პირველი ასოციაციის გამგეობა, წევრი
• საქართველოს ენდოკრინოლოგთა სამეცნიერო საზოგადოება, წევრი
• საქართველოს კარდიოლოგთა სამეცნიერო საზოგადოება, წევრი
• საქართველოს კურორტოლოგთა სამეცნიერო საზოგადოება, წევრი
• საქართველოს ფიზიოთერაპევტთა სამეცნიერო საზოგადოება

• 1988 - შრომის ვეტერანის მედალი

• მრავალპროფილიანი კურორტი უწერა (ავტორი). - თბილისი, ქრონოგრაფი, 2002. - 40გვ.