დიმიტრი ხვთისიაშვილი

დაბადების ადგილი: ქ. თბილისი.

დაამთავრა თბილისის სახელმწიფო თეატრალური ინსტიტუტის სამსახიობო (1989) და დრამის სარეჟისორო ფაკულტეტები 2004 წელს.

1989-1996 წწ. იყო  კ. მარჯანიშვილის სახელობის თეატრის მსახიობი; 1996-1999 წწ. ქ. ზუგდიდის თეატრის სამხატვრო ხელმძღვანელი; 1989 წლიდან არის თეატრისა და კინოს უნივერსიტეტის პედაგოგი, 2006 წლიდან ასოცირებული პროფესორი. 1999-2014 წწ. იყო სამაუწყებლო კომპანია "რუსთავი 2-ის" გახმოვანების სტუდიის მთავარი პროდიუსერი; 2012 წლიდან არის ნოდარ დუმბაძის სახელობის მოზარდ მაყურებელთა თეატრის სამხატვრო ხელმძღვანელი. მონაწილეობდა  კ. მარჯანიშვილის სახელობის თეატრის სპექტაკლებში: "გრაალის მცველნი", "კალიგულა", "მშვიდობის დღესასწაული", "ძველი ვოდევილები", "ურიელ აკოსტა", "ნაცარქექია", "ბედი მდევარი", "საქართველოს უკანასკნელი დედოფალი" და სხვა. დადგმული აქვს სპექტაკლები კ. მარჯანიშვილის, ვ. ანჯაფარიძის, მ. კოსტავას სახელობის თეატრებში, თეატრალურ სარდაფში, მათ შორის "ქამუშაძის გაჭირვება", "ღამე და თუთიყუში", "ჯვარცმული ბედნიერება", "ამიკო",  "ღია შუშაბანდი", "სეილემის პროცესი", "პრემიერა", "ახალგაზრდები",  "სტუმარი", "გუშინდელნი",  "პეიზაჟს აკლია სითბო", "ხეები ზეზეურად კვდებიან" (ლ. წულაძესთან ერთად) და სხვა. გადაღებულია კონოფილმებში: "იავნანა",  "მიზერერე", "სიბრძნე-სიცრუისა",  "ვინ ცხოვრობს ვარსკვლავებზე", "1937 წელი", "ილიას მკვლელობა", "დამოუკიდებლობის ცხრა თვე" და სხვა. არის ავტორი წიგნებისა: "ლილი იოსელიანი" (2002), "სახალხო არტისტი-გივი ბერიკაშვილი" (2008), "სახალხო არისტი - კახი კავსაძე" (2011), "სახალხო არტისტი - თენგიზ არჩვაძე" (2017), "მოზარდ მაყურებელთა თეატრი - 90" (2018). მოზარდ მაყურებელთა თეატრში განახორციელა: "ირინეს ბედნიერება", "ნაცარქექია", "ფიფქია და 7 ჯუჯა", "მე ვხედავ მზეს", "მგზავრის წერილები", "აურზაური არაფრის გამო", "ბილოქსი ბლუზი", "რწყილი და ჭიანჭველა", "არ დამივიწყო", "სეილემის პროცესი", "ბაშიაჩუკი", "ურჩხული და ლამაზმანი" და სხვ. კინოსა და თეატრის მსახიობი, თეატრალური ხელოვნების დოქტორი. მიღებული აქვს ქალაქ რუსთავის თეატრალური ფესტივალის პრემია (1996) და წლის საუკეთესო ახალგაზრდა რეჟისორის (2000) პრემიები.

სადისერტაციო თემა - "მსახიობის აღზრდის ინტერპრეტირების საკითხისათვის", დაიცვა 2015 წელს.

წყარო: მოზარდ მაყურებელთა თეატრის ვებგვერდი: mozardi.ge; ეროვნული ფილმოგრაფიის პორტალი: geocinema.ge; 

• საქართველოს თეატრის მოღვაწეთა კავშირი, თავმჯდომარის მოადგილე (2017-)
• საქართველოს თეატრის მოღვაწეთა კავშირი, წევრი

• 2019 - შალვა დადიანის სახელობის პრემია
• 2018 - ღირსების ორდენი
• 2018 - ილია ჭავჭავაძის სახელობის პრემია
• 2018 - ლილი იოსელიანის სახელობის პრემია

• ნოდარ დუმბაძის სახელობის მოზარდ მაყურებელთა სახელმწიფო თეატრი - 90 = Государственный театр юного зрителя имени Нодара Думбадзе, 90 : ალბომი (შემდგენელი). - თბილისი, 2018. - 160გვ.
• კონსტანტინე გამსახურდიას სახელობის სოხუმის სახელმწიფო დრამატული თეატრი : 125-ე საიუბილეო სეზონი (შემდგენელი). - თბილისი, ფავორიტი, 2011. - 56გვ.
• სახალხო არტისტი : კახი კავსაძე (თანაავტორი). - თბილისი, ქართული ბიოგრაფიული ცენტრი, 2011. - 256გვ.. - ISBN: 978-9941-9190-0-8
• სახალხო არტისტი : გივი ბერიკაშვილი (ავტორი). - თბილისი, ქართული ბიოგრაფიული ცენტრი, 2008. - 260გვ.. - ISBN: 978-9941-9025-1-2
• ლილი იოსელიანი : კრებული 3 მოქმედებად პროლოგითა და ეპილოგით (ავტორი). - თბილისი, რესპუბლიკა, 2002. - 272გვ.