ზურაბ ავალიშვილი

დაბადების ადგილი: ქ. თბილისი.

დაამთავრა პეტერბურგის უნივერსიტეტის იურიდიული ფაკულტეტი 1898 წელს.

იყო მიუნხენის საბჭოთა კავშირისა და აღმოსავლეთ ევროპის შემსწავლელი ინსტიტუტის წამყვანი თანამშრომელი; 1907-1909წწ. და 1912-1913წწ. პეტერბურგის უნივერსიტეტის სახელმწიფო სამართლის კათედრის პრივატ-დოცენტი, შემდეგ კი პროფესორი; 1909 წელს მიიწვიეს პეტერბურგის პოლიტექნიკურ ინსტიტუტის პროფესორად და ადმინისტრაციული სამართლის კათედრის გამგედ; 1912-1917წწ. იყო ფინანსთა სამინისტროს იურისკონსული; პეტერბურგში იმხანად გამომავალი ცნობილი გაზეთის "რუსსკაია მოლვა" საერთაშორისო განყოფილების ხელმძღვანელი; პეტერბურგის გამომცემლობის "ოგნი" ერთ-ერთი ხელმძღვანელი; 1917 წელს თებერვლის რევოლუციის შემდეგ დაინიშნა სენატორად; 1918 წელს საქართველოში დაბრუნდა და დაინიშნა საქართველოს დემოკრატიული რესპუბლიკის მთავრობის მთავარ მრჩევლად საგარეო პოლიტიკურ საკითხებში; რუსეთის მიერ საქართველოს ოკუპაციის შემდეგ იგი იყო პოლიტიკური ემიგრანტი; ემიგრაციის წლებში ეწეოდა აქტიურ პოლიტიკურ და სამეცნიერო მოღვაწეობას; მისი ამ პერიოდის ნაშრომებიდან აღსანიშნავია მონოგრაფიული გამოკვლევები: "ვეფხისტყაოსნის საკითხები" (პარიზი, 1921), "თეიმურაზ I და მისი პოემა", "წამება ქეთევან დედოფლისა" (პარიზი, 1938), "საქართველოს დამოუკიდებლობა 1918-1921 წლების საერთაშორისო პოლიტიკაში" (რუსულ ენაზე, პარიზი, 1924; თბილისი, 1990); 1901 წელს გამოიცა მისი ისტორიულ-სამართლებრივი ხასიათის ნაშრომი "საქართველოს შეერთება რუსეთთან"; ასევე იყო საქართველოს დემოკრატიული რესპუბლიკის კონსტიტუციის ერთ-ერთი მთავარი ავტორი. რუსეთის მიერ საქართველოს ოკუპაციის შემდეგ იყო პოლიტიკური ემიგრანტი. გარდაიცვალა გერმანიაში, 1944 წელს. 1994 წელს მისი ნეშტი გადმოასვენეს თბილისში, დიდუბის საზოგადო მოღვაწეთა პანთეონში.

სამაგისტრო დისერტაციის თემა – "დეცენტრალიზაცია და თვითმმართველობა საფრანგეთში ნაპოლეონის დროიდან 1905 წლამდე", დაიცვა 1906 წელს.

წყარო: მამულიშვილთა სავანე. - თბ., 1994. - გვ.33; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.27; კარგ ქართველთა საფლავები: geonecropol.ge

• რუსეთის საიმპერატორო იურიდიული საზოგადოების გამგეობა, წევრი
• საქართველოს ეროვნულ-დემოკრატიული პარტია, ერთ-ერთი დამფუძნებელი (1917-)

• საქართველოს დამოუკიდებლობა 1918-1921 წლების საერთაშორისო პოლიტიკაში : მოგონებანი, ნარკვევები (ავტორი) // წ. 1. - საქ. თეატრის მოღვაწეთა კავშირი, 1990. - 193გვ.
• ჯვაროსანთა დროიდან : ოთხი საისტორიო ნარკვევი (ავტორი). - თბილისი, საბჭ. საქართველო, 1989. - 113გვ.