დავით კაპანაძე

დაბადების ადგილი: ქ. თბილისი.

დაამთავრა გორის კლასიკური გიმნაზია.

1959–1971წწ. იყო სიმონ ჯანაშიას სახელობის საქართველოს სახელმწიფო მუზეუმის ნუმიზმატიკის განყოფილების გამგე; მისი ინიციატივით საქართველოს სახელმწიფო მუზეუმის ნუმიზმატიკის კაბინეტი გადაკეთდა ნუმიზმატიკის განყოფილებად; იკვლევდა ანტიკური და ფეოდალური ხანის ქართულ და ამ პერიოდში საქართველოში მიმოქცევად უცხოურ მონეტებს; მის სახელთანაა დაკავშირებული ახალი სამონეტო ტიპების, ჯგუფებისა და არქეოლოგიური ექსპედიციების ნუმიზმატიკური მასალების ჩართვა სამეცნიერო მიმოქცევაში; მან გამოაქვეყნა – კოლხური თეთრის იშვიათი ცალები, აკესის სტატერის მეორე ეგზემპლარი, ალექსანდრე მაკედონელისა და ლისიმაქეს სტატერების ტიპის უნიკალური ქართული მინაბაძები, საქართველოში აღმოჩენილი ავგუსტეს დენარებისა და რომაული აურეუსების იმიტაციები, მცხეთის, ბიჭვინთის, ზღუდერისა და სხვა არქეოლოგიური ექსპედიციების მიერ მოპოვებული ნუმიზმატიკური მასალები, ჯაფარიდების თბილური დირჰემები, XI საუკუნის ბიზანტიურ ტიტულებიანი ქართული მონეტები, XIV-XV სს-ის ქართველი ფეოდალების ვამიყ დადიანისა და ყვარყვარე ათაბაგის ფულები, XV ს-ის ქართული მონეტების გორის განძი; ასევე მუშაობდა სამონეტო ჯგუფების გენეზისისა და დათარიღება - ატრიბუციის საკითხებზე. იყო 60-ზე მეტი სამეცნიერო ნაშრომის ავტორი, რომლებიც გამოქვეყნებულია ქართულ, რუსულ, გერმანულ, პოლონურ და ჩეხურ ენებზე; მისი შრომებიდან აღსანიშნავია სახელმძღვანელო "ქართული ნუმიზმატიკა"; ისტორიის მეცნიერებათა დოქტორი (1957).

წყარო: მამულიშვილთა სავანე. - თბ., 1994. - გვ.206

• 1967 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• ქართული ნუმიზმატიკა : დამხმ. სახელმძღვ. სტუდენტებისათვის (Author). - თბილისი, თბილ. უნ-ტის გამ-ბა, 1969. - 234გვ.