გურამ დიღმელაშვილი

დაბადე3ბის ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1961 წელს.

1962–1969წწ. იყო თეთრიწყაროს რაიონის ს. ჯორჯიაშვილის საუბნო საავადმყოფოს გამგე. 1971–1974წწ. თერაპიის სამეცნიერო კვლევითი ინსტიტუტის უმცროსი მეცნიერ–თანამშრომელი. 1975–1990წწ. ამავე ინსტიტუტის ჰეპატოლოგიისა და გასტროენტეროლოგიის განყოფილების უფროსი მეცნიერ–მუშაკი; 1990 წლიდან აღნიშნული ინსტიტუტის ჰეპატოლოგიისა და გასტროენტეროლოგიის განყოფილების ხელმძღვანელი. ავტორია 55 სამეცნიერო ნაშრომის და ორი მონოგრაფიის. ექიმი–გასტროენტეროლოგი, მკურნალი, მედიცინის მეცნიერებათა კანდიდატი.

საკანდიდატო დისერტაციის თემა - "არტერიული ჰიპერტონიისა და გულის იშემიური დაავადების გავრცელების საკითხის შესწავლა ასაკობრივ ასპექტში", დაიცვა 1971 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.92

• საქართველოს თერაპევტთა და გასტროენტეროლოგთა საზოგადოება, წევრი

• 1981 - მედალი "შრომითი მამაცობისთვის"

• ღვიძლისა და სანაღვლე გზების დაავადებები. (ავტორი). - თბილისი, ფარნავაზი, 1997. - 191გვ.