მარი აბრამიშვილი

დაბადების ადგილი: ქ. საჩხერე.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1944 წელს.

1945 წლის 27 მარტს რამდენიმე ახალგაზრდა პოეტთან ერთად პატრიოტული ლექსებისა და ხელნაწერი ჟურნალის ("ანათემა") გამოცემის გამო დააპატიმრეს და გადაასახლეს. სასჯელს იხდიდა ვიატკის ბანაკებში. გადასახლებიდან დაბრუნებულმა კვლავ განაგრძო ლიტერატურული საქმიანობა. 1951 წელს მისი ლექსი პირველად დაიბეჭდა ჟურნალ "მნათობში", ხოლო ლექსების პირველი კრებული 1957 წელს გამოვიდა. ასევე გამოცემული აქვს საბავშვო ლექსების კრებულები. სულ გამოცემული აქვს 22 წიგნი. მის შემოქმედებაში ძირითადად პატრიოტული და ლირიკული მოტივებია. თარგმნილი აქვს ალექსანდრე პუშკინის, მიხეილ ლერმონტოვის, ალექსანდრე ბლოკის, სერგეი ესენინის, ბელა ახმადულინას, ევგენი ევტუშენკოს, რიჩარდ ოლდინგტონის ლექსები, ხოლო მისი ლექსები თარგმნილია რუსულ, ოსურ და თურქულ ენებზე. მ. აბრამიშვილის ლექსებზე შექმნილია არაერთი ცნობილი ქართული საესტრადო სიმღერა, მათ შორის: "აი სად შემხვდი" (ამავე სახელწოდების ლექსზე, მუსიკ. ავტ. ა. ხარანაული), "სიმღერა თბილისზე" (ლექსზე "თბილისი", კომპ. ს. მირიანაშვილი), "ხომ არ დავაგვიანე" (ლექსზე "აი, სად შემხვდი", კომპ. გ. მანჯგალაძე)", "ნუთუ მართლა აღარ შევრიგდებით" (ლექსზე "იქნებ მართლა"), "როგორ დაიჯერე ჩემი დაბერება" (ლექსზე "როგორ დაიჯერე", მუს. ავტ. ესმა გურამიშვილი) და სხვ. ის ერთადერთი ქალია ქართველ რეპრესირებულ მწერალთა შორის. რეაბილიტირებულია 1998 წელს.

წყარო: არმური - ლიტარენა, უფრო კი – ბიბლიოთეკა: armuri.georgianforum.com; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.8; წამების გზა : დევნა, გადასახლება, დახვრეტა = Path of martyrdom : Persecution, exile, execution = Дороги мученичества : Преследование, ссылка, расстрел. წ. 2 / რევაზ კვერენჩხილაძე.-თბ.,2017.-გვ.307-363

• საქართველოს მწერალთა კავშირი, წევრი (1971-2008)

• 2002 - ღირსების ორდენი
• 2000 - საქართველოს სახელმწიფო პრემია
• 1993 - საქართველოს მწერალთა კავშირის ყოველწლიური ლიტერატურული პრემია

• რჩეული (ავტორი). - თურქეთი, 2023. - 412გვ.. - ISBN: 978-9941-8-5953-3
• შენი სახელი შემრჩა ბაგეზე (ავტორი). - თბილისი, ინტელექტი, 2022. - 186გვ.. - ISBN: 978-9941-31-505-3
• ბედისწერის განაჩენი : სხვადასხვა დროის ჩანაწერები (ავტორი). - თბილისი, ინტელექტი, 2016. - 251გვ.. - ISBN: 978-9941-466-51-9
• განთიადის მოლოდინში : ლექსები (ავტორი). - თბილისი, სიესტა, 2007. - 291გვ.. - ISBN: 978-99940-908-7-7
• ფერადი ფანქრები : ლექსები, ავტობიოგრაფია, მოთხრობები (ავტორი). - თბილისი, დილა, 2006. - 81გვ.. - ISBN: 99940-813-9-X
• მემახსოვრება თვით სიკვდილშიაც (ავტორი). - თბილისი, მერანი, 1992. - 144გვ.
• შემობრუნება : ლექსები (ავტორი). - თბილისი, ნაკადული, 1990. - 109გვ.
• ლექსები (ავტორი). - თბილისი, საბჭ. საქართველო, 1986. - 245გვ.