რამაზ ხეცურიანი

დაბადების ადგილი: ქ. ცაგერი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1973 წელს.

1973 წელს იყო თბილისის სახელმწიფო სამედიცინო ინსტიტუტის ნორმალური ანატომიის კათედრის ასპირანტი; 1978 წელს ამავე კათედრის ასისტენტი, 1985 წელს დოცენტი, 1990 წელს პროფესორი; 1991 წელს თბილისის სახელმწიფო სამედიცინო უნივერსიტეტის პრორექტორი, ხოლო 1992 წელს რექტორი; 1998 წლიდან ამავე ინსტიტუტის ნორმალური ანატომიის კათედრის გამგე; ავტორია 102 სამეცნიერო ნაშრომისა, ანტროპოლოგიისა და მონოგრაფიისა; გამოქვეყნებული აქვს სახელმძღვანელო კოლეჯის სტუდენტებისათვის – "ადამიანის ნორმალური ანატომია" (1993); მისი ხელმძღვანელობით დაცულია ორი საკანდიდატო და ოთხი სადოქტორო დისერტაცია. მიღებული აქვს მილენიუმისა და ალბერტ შვეიცერის ოქროს მედალი, ოქსფორდის საერთაშორისო ღირსების ორდენი, საუკეთესო პიროვნების წოდება (1998).

საკანდიდატო დისერტაციის თემა – "ქართველ ახალშობილთა ფიზიკური განვითარების მაჩვენებლების დინამიკა აქსელერაციის და სხვა ფაქტორთა მოქმედების თვალსაზრისით"; სადოქტორო დისერტაციის თემა – "პლაცენტის მორფო–ფუნქციური თავისებურებები ორსულობის სხვადასხვა ეტაპზე და წინა სამშობიარო პერიოდში".

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.94; საქართველოს ეროვნული მეცნიერებათა აკადემიის უწყებები: science.org.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.354

• იუნესკოს აკადემია, წევრი
• მოსკოვის უმაღლესი სკოლის აკადემია, წევრი
• მსოფლიო ბიოგრაფიული საზოგადოება, თანადირექტორი
• ნიუ–იორკის სამედიცინო აკადემია, წევრი
• პოლონეთის სახელმწიფო აკადემია, წევრი
• საქართველოს მედიცინის მეცნიერებათა აკადემია, წევრი

• 1998 - ღირსების ორდენი
  სტუდენტი-ახალგაზრდობის აღზრდა-განათლებაში შეტანილი პირადი დიდი წვლილისათვის, ნაყოფიერი სამეცნიერო, პედაგოგიური და საზოგადოებრივი მოღვაწეობისათვისთვის
• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  საშუალო და საშუალო სპეციალური სასწავლებლების სახელმძღვანელოსათვის - ''ადამიანის ანატომია ფიზიოლოგიით და პათოლოგიით'' (გამოცემულია თბილისში 1994 წელს).

• ადამიანის ნორმალური ანატომია : სახელმძღვ. სამედ. უმაღლ. სკოლის სტუდენტთათვის (ავტორი). - თბილისი, შპს "ფავორიტი პრინტი", 2011. - 338გვ.