ლევან ბერიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი გერმანული ენისა და ლიტერატურის განხრით 1986 წელს.

1986-1987წწ. მუშაობდა თბილისის სახელმწიფო ლიტერატურის მუზეუმში; 1987-1988 გაზეთ "ივერიაში; 1988-1990წწ. თბილისის სახელმწიფო უნივერსიტეტის ახალციხის ფილიალში გერმანული ენისა და ლიტერატურის მასწავლებლად; 1991-1995წწ. ქ. ბერლინის თავისუფალ უნივერსიტეტში მუშაობდა სადოქტორო თემაზე; 2000წელს იყო ჰუბერტ ბურდას სახელობის სტიპენდიატი; 2006-2007წწ. მუშაობდა საქართველოს განათლების სამინისროში, ეუთოს პროექტის - "სომხურის როგორც მშობლიური ენის სწავლების ხელშეწყობა სამცხე-ჯავახეთის არაქართულენოვან სკოლებში" -კოორდინატორად; იყო გაზეთ "მრავალენოვანი განათლება" რედაქტორი; 2007 წელს ლატვიის ქალაქ ვენტსპილსის მწერალთა და მთარგმნელთა სახლში მუშაობდა ახალ მოთხრობაზე - "კონცერტი მარცხენა ხელისათვის". 2009 წელს შვედეთში, გოტლანდის მწერალთა სახლში მუშაობს სცენარზე "ფილიპარია". არის პროექტის - "ანთროპონიმთა ქართულად გადმოცემასთან დაკავშირებული რეკომენდაციები" დირექტორი; 2008 წელს მოთხრობა - "კონცერტი მარცხენა ხელისათვის", გამოიცა გერმანიაში და წიგნის პრეზენტაცია მოეწყო ქ. ბერლინში, ხოლო 2010 წელს ლატვიაში გამოვიდა მისი წიგნი "ფილიპარია". 2012 წელს მუშაობს პროექტ "ლატვიურ-ქართული სასაუბრო"-ს დირექტორად. მართავს საავტორო საღამოებს ბერლინში, ჰანოვერში, დრეზდენში, როსტოკში, მაინის ფრაკფურტში, თბილისში. თავის მოთხრობებსა და რომანებს წერს გერმანულ ენაზე, მაგრამ შექმნისთანავე თარგმნის ქართულად და ქართულ ლიტერატურულ ჟურნალ-გაზეთებში აქვეყნებს.

• კროიცბერგის ავტორთა ჯგუფის და ფრიდრიხ ჰაინის ავტორთა წრე (ბერლინი), წევრი (1996-1999)

• 2023 - ლიტერატურული პრემია "მუზა", წლის საუკეთესო რომანისთვის
  როგორც შენ იტყვი : რომანი / ლევან ბერიძე .-თბილისი : ინტელექტი, 2022.-256გვ.

• როგორც შენ იტყვი : რომანი (ავტორი). - თბილისი, ინტელექტი, 2022. - 256გვ.. - ISBN: 9789941315244
• ფორა : რომანი (ავტორი). - თბილისი, ბაკურ სულაკაურის გამ-ბა, 2014. - 176გვ.. - ISBN: 978-9941-23-035-6
• Begegnung mit Ursprung und Zeit (თანაავტორი). - Heidelberg, Edition Braus GmbH, 2008. - 148p. . - ISBN: 9783899043051
• მესამე = Der Dritte : მოთხრობები (ავტორი). - თბილისი, პაატა ნაცვლიშვილის გამ-ბა. - 128გვ.. - ISBN: 99928-66-11-X