ანზორ სიხარულიძე

დაბადების ადგილი: ქ. ბათუმი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1961 წელს.

1961–1962წწ. იყო აჭარის ასსრ შუახევის რაიონის ქირურგი; 1963–1966წწ. ონკოლოგიის სამეცნიერო ცენტრის ასპირანტი; 1966–1972წწ. ქირურგიული განყოფილების უმცროსი მეცნიერ–თანამშრომელი; 1972–1977წწ. ონკოლოგიის ცენტრის ქირურგიული განყოფილების უფროსი მეცნიერ–თანამშრომელი; 1977–1981წწ. მუშაობდა  ქირურგად ალჟირის სახალხო რესპუბლიკაში; 1981 წლიდან მამოლოგიური განყოფილების წამყვანი მეცნიერ–თანამშრომელია. ავტორია 89 სამეცნიერო ნაშრომის სარძევე ჯირკვლის სიმსივნეების კლინიკის, დიაგნოსტიკისა და მკურნალობის შესახებ. ონკოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "ზოგიერთი ციტოქიმიური თავისებურებები სარძევე ჯირკვლის დისჰორმონალური დაავადებებისა და კიბოს დროს", დაიცვა 1969 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.253

• სამეცნიერო საბჭო, წევრი

• 1996 - საქართველოს ჯანდაცვის სამინისტროს საპატიო სიგელი

• ძუძუს სიმსივნეების დიაგნოსტიკა (თანაავტორი). - თბილისი, შპს "მერანი-3"-ის სტ., 2000. - 96გვ.. - ISBN: 99928-34-30-7