გიორგი ჩახუნაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1979 წელს.

1979–1981წწ. იყო თბილისის სახელმწიფო სამედიცინო ინსტიტუტის პედიატრიული კათედრის კლინიკური ორდინატორი; 1981–1993წწ. ამავე კათედრის ასისტენტი; 1993–1996წწ. დოცენტი; 1996-2006წწ. ამავე კათედრის პროფესორი; 1997-2009წწ. თსსუ პედიატრიული კლინიკის დირექტორის მოადგილე; 2009-2011წწ. შ.პ.ს გ. ჟვანიას სახელობის პედიატრიული კლინიკის დირექტორის მოადგილე; 2002 წელს არჩეულ იქნა ქ. თბილისის მთავარ პედიატრად; 2011 წლიდან ი. ციციშვილის სახელობის პედიატრიული კლინიკის სამედიცინო დახმარების ხარისხის უზრუნველყოფის სამსახურის უფროსი;  ქართველ და იაპონელ მეცნიერებთან ერთად მუშაობს ონკოლოგიის მკურნალობის საკითხებზე. კერძოდ, ბიოაქტიური ნაერთების კლინიკაში ფართო დანერგვისათვის. ავტორია 105 სამეცნიერო ნაშრომის. დასტამბული აქვს მონოგრაფია: "ექოკარდიოგრაფიული მაჩვენებლები ჯანმრთელ ბავშვებში"(1991). პედიატრი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "რევმატოიდური ართრიტის სხვადასხვა ფორმების დროს ბავშვებში გულ–სისხლძარღვთა სისტემის კლინიკო–ინსტრუმენტული დახასიათება", დაიცვა 1988 წელს; სადოქტორო დისერტაციის თემა - "გულ–სისხლძარღვთა სისტემის დაზიანების რისკ–ფაქტორები რევმატოიდური ართრიტისა და სისტემური წითელი მგლურას დროს ბავშვთა ასაკში; კლინიკო–ინსტრუმენტული (ექოკარდიოგრაფიული) ნაადრევი გამოვლინებანი – პროგნოზირება, პროფილაქტიკა და რეაბილიტაციის საკითხები", დაიცვა 1992 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.321; წიგნი ღირსებისა: ტ. 5./ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.78

• ევროპის ბავშვთა რევმატოლოგთა ლიგა, წევრი
• ევროპის კარდიოლოგთა ასოციაცია, წევრი
• საქართველოს საბუნებისმეტყველო მეცნიერებათა აკადემია, ვიცე-პრეზიდენტი (2013-)
• საქართველოს საბუნებისმეტყველო მეცნიერებათა აკადემია, ნამდვილი წევრი
• საქართველოს ჰუმანიტარულ და სახელოვნებო მეცნიერებათა აკადემია, ვიცე-პრეზიდენტი (2008-)
• საქართველოს ჰუმანიტარულ და სახელოვნებო მეცნიერებათა აკადემია, აკადემიკოს-მდივანი (2006-2008)
• საქრთველოს პედიატრთა საზოგადოების პრეზიდიუმი, წევრი

• 2000 - ღირსების მედალი

• ექოკარდიოგრაფიული მაჩვენებლები ჯანმრთელ ბავშვებში (ავტორი). - 1991. - 91გვ.