სიმონ ავალიანი

დაბადების ადგილი: ქ. ქუთაისი.

დაამთავრა ოდესის უნივერსიტეტის ისტორია–ფილოლოგიის ფაკულტეტი 1904 წელს.

1909 წელს იყო ამავე უნივერსიტეტის პრივატ–დოცენტი; 1909–1916წწ. მასწავლებლობდა ოდესის კერძო სასწავლებლებში და თანამშრომლობდა სხვადასხვა გაზეთებში; იყო გაზეთ "Южный кооператив"-ის რედაქტორი; 1916–1918წწ. პეტროგრადის უნივერსიტეტის პრივატ–დოცენტია; 1919 წელს აირჩიეს თბილისის უნივერსიტეტის პროფესორად; საქართველოში საბჭოთა ხელისუფლების დამყარების შემდეგ მუშაობდა საგარეო ვაჭრობის კომისარიატში, ხელმძღვანელობდა სახალხო მეურნეობის უმაღლესი საბჭოს საწარმოო ტექნოლოგიურ განყოფილებას; 1921–1922წწ. იყო თბილისის პოლიტექნიკური ინსტიტუტის დირექტორი. დაწერილი აქვს 50–მდე შრომა; ქართულ ისტორიოგრაფიაში ერთ–ერთმა პირველმა შეისწავლა მეცნიერულად 1861 წლის საგლეხო რეფორმის ისტორია ამიერკავკასიაში; თბილისის სახელმწიფო უნივერსიტეტში პირველმა წაიკითხა ლექციების კურსი კოოპერაციის საკითხებზე. მას ეკუთვნის მსოფლიო ისტორიის სახელმძღვანელო და საუნივერსიტეტო კურსი კოოპერაციის დარგში.

წყარო: საქართველო: ენციკლოპედია. – თბ.,1977.– გვ.59; ქართველ მოღვაწეთა ლექსიკონი:1801-1952: ტ.I .-თბ.,2018.-გვ.78

• საბჭოთა რესპუბლიკის გარეშე ვაჭრობის კომისარიატის კოლეგია, თავმჯდომარე

• მიწისმფლობელობა საქართველოში (ავტორი). - ქუთაისი, ჟურნალ "კოოპერაციის" რედაქციის გამოცემა, N31, 1920. - 32გვ.
• კოოპერაცია (პირველდაწყებითი სახელმძღვ.) (პოლიტიკური ეკონომიის ძირითადი დებულებების განმარტებით და კოოპერაციის შესახებ წიგნების სიის დამატებით) (ავტორი). - თბილისი, საქ. ცენტრ. კოოპერაც. კავშირის გამოცემა N28 , 1920. - 132გვ.