მათე ალექსიშვილი

დაბადების ადგილი: სოფელი ვეჯინი, გურჯაანის რაიონი. 

დაამთავრა თბილისის პედაგოგიური ინსტიტუტის ისტორიის ფაკულტეტი 1933 წელს.

1939 წლიდან მუშაობდა თბილისის სახელმწიფო უნივერსიტეტის ძველი ქვეყნების ისტორიის კათედრაზე; 1943–1948წწ. იყო საქართველოს კომპარტიის ცენტრალური კომიტეტის პროპაგანდის სექტორის გამგე; 1949–1950წწ. თბილისის სახელმწიფო უნივერსიტეტის ისტორიის ფაკულტეტის დეკანი; 1946–1970წწ. თბილისის სახელმწიფო უნივერსიტეტის ძველი ქვეყნების ისტორიის კათედრის გამგე. მუშაობდა ანტიკური ქვეყნების სოციალურ და პოლიტიკურ ისტორიულ საკითხებზე. იკვლევდა ქრისტიანული რელიგიის საკითხებსაც. ისტორიის მეცნიერებათა დოქტორი, პროფესორი. მიღებული აქვს სახელმწიფო ჯილდოები.

წყარო: საქართველო: ენციკლოპედია : ტ.1 .– თბ.,1977.– გვ.105

• მონობა და მონათმფლობელური იდეოლოგია ანტიკურ სამყაროში : დამხმ. სახელმძღვ. უმაღლ. სასწავლბლების ისტორიის ფაკ-ტის სტუდენტებისათვის (ავტორი). - თბილისი, განათლება, 1974. - 351გვ.
• მონობა ანტიკურ ქვეყნებში : ძველ საბერძნეთსა და რომში (ავტორი). - თბილისი, თბილ. უნ-ტის გამ-ბა, 1971. - 379გვ.
• გაიუს იულიუს ცეზარი : მონოგრაფია (ავტორი). - თბილისი, ნაკადული, 1961. - 226გვ.
• ალექსანდრე მაკედონელი : ნარკვევი (ავტორი). - თბილისი, თბილისის სახელმწ. უნ-ტის გამ და სტ., 1950. - 196გვ.