ევტიხი გობრონიძე

დაბადების ადგილი: სოფელი გაღმა დვაბზუ, ოზურგეთის რაიონი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1928 წელს.

იგი იყო მიხეილ ასათიანის სახელობის  ფსიქიატრიის სამეცნიერო–კვლევითი ინსტიტუტის დირექტორის მოადგილე სამეცნიერო დარგში 1944-1968 წლებში; თბილისის სახელმწიფო სამედიცინო ინსტიტუტის ფსიქიატრიის კათედრის გამგე 1968-1978 წლებში. ამავე კათედრის კონსულტანტი; სწავლობდა ნევროზებს, სიმპტომატურ ფსიქოზებს, ალკოჰოლიზმს, ტოქსიკომანიას და მათი მკურნალობის მეთოდებს. ფსიქიატრი, მედიცინის მეცნიერებათა დოქტორი (1946), პროფესორი (1947). მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.2. – თბ., 2012. – გვ.55; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.680-681

• 1961 - საქართველოს მეცნიერებათა დამსახურებული მოღვაწე
• 1946 - საქართველოს დამსახურებული ექიმი
• ლენინის ორდენი

• ალკოჰოლის მავნე გავლენა ადამიანის ფსიქიკაზე (ავტორი). - თბილისი, საბჭ. საქართველო, 1988. - 37გვ.
• ალკოჰოლიზმისა და ნევროზების ფსიქოთერაპია (ავტორი). - თბილისი, საბჭ. საქართველო, 1987. - 67გვ.
• შიზოფრენიის ინსულინოთერაპია (ავტორი). - თბილისი, 1950