ირაკლი ანთელავა

დაბადების ადგილი: სოფელი ყულიშკარი, ზუგდიდის რაიონი.

დაამთავრა თბილისის სახელმწიფო პედაგოგიური ინსტიტუტის ისტორიის ფაკულტეტი 1931 წელს, ლენინგრადის ფინანსურ–ეკონომიური ინსტიტუტი 1936 წელს.

1938–1956წწ. მუშაობდა დ. გულიას სახელობის აფხაზური ენის ლიტერატურისა და ისტორიის ინსტიტუტში; 1938–1954წწ. შეთავსებით – მ. გორკის სახელობის სოხუმის სახელმწიფო პედაგოგიურ ინსტიტუტში სსრკ ისტორიის კათედრაზე(1942 წლიდან გამგედ); 1956 წლიდან ი. ჯავახიშვილის სახ. ისტორიის, არქეოლოგიისა და ეთნოგრაფიის ინსტიტუტში საქართველოს ახალი ისტორიის განყოფილების უფროს მეცნიერ თანამშრომლად, 1957 წლიდან – გამგედ; 1958 წლიდან შეთავსებით იყო თბილისის სახელმწიფო უნივერსიტეტის სსრკ ისტორიის კათედრის პროფესორი. მონაწილეობდა ისეთი კოლექტიური განმაზოგადებელი ნაშრომების შექმნაში, როგოროცაა "აფხაზეთის ასსრ ისტორიის ნარკვევები", ქართული საბავშვო ენციკლოპედია და სხვა.

წყარო: საქართველო: ენციკლოპედია: ტ.1 – თბ., 1977.– გვ.157

• 1982 - საქართველოს სახელმწიფო პრემია
• 1970 - სიმონ ჯანაშიას სახელობის პრემია
• 1966 - საქართველოს მეცნიერებათა დამსახურებული მოღვაწე
• 1961 - აფხაზეთის ასსრ მეცნიერებათა დამსახურებული მოღვაწე

• რუსული საზოგადოებრივი აზრის განვითარების ისტორია : XVIII ს. მეორე ნახევარი - XIX ს. 60-იანი წ.წ. (ავტორი). - თბილისი, უნ-ტის გამ-ბა, 1971. - 196გვ.
• საზოგადოებრივ-პოლიტიკური მოძრაობისა და საზოგადოებრივი აზრის ისტორიიდან საქართველოში : XIX საუკუნის მეორე ნახევარი : [სახელმძღვ. პედ. ინ-ტის სტუდენტებისათვის] (ავტორი). - თბილისი, განათლება, 1967. - 294გვ.
• საქართველოში სოციალისტური ურთიერთობის ისტორიიდან : რეფორმის შემდეგდროინდელი ხანა. ნარკვევები (ავტორი). - თბილისი, მეცნიერება, 1967. - 217გვ.
• საგლეხო რეფორმა საქართველოში და მისი მნიშვნელობა (ავტორი). - თბილისი, საბჭ. საქართველო, 1966. - 31გვ.