გივი აბდუშელიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო უნივერსიტეტი 1942 წელს.

სამხედრო სამსახურში ყოფნისას მუშაობდა სხვადასხვა თანამდებობაზე; 1962-1965წწ. იყო საქართველოს ჯანდაცვის სამინისტროს კვების ლაბორატორიის გამგე; 1968 წლიდან მუშაობდა საქართველოს ჯანდაცვის სამინისტროს მთავარ სპეციალისტად დიეტოლოგიაში. 1974-1988წწ. იყო გ. ნათაძის სახელობის სანიტარიისა და ჰიგიენის სამეცნიერო კვლევითი ინსტიტუტის დირექტორი; 1988 წლიდან დირექტორის მრჩეველი; კვლევის საგანი მოსახლეობის  კვებისა და ჯანმრთელობის მდგომარეობა; საკვები პროდუქტების გაუვნებელყოფა; აგრეთვე ცილის ახალი წყაროების სამედიცინო ბიოლოგიური შეფასება; შეიმუშავა და პრაქტიკაში დანერგა სხვადასხვა პროფესიის პირებისათვის კვების დღიური ნორმები, რეკომენდაციები; სიმსუქნის პროფილაქტიკისა და მკურნალობისათვის შედგენილი აქვს ქართული კერძების რეცეპტები და სხვა; გამოქვეყნებული აქვს მონოგრაფიები: "სამკურნალო კვება ზოგიერთი დაავადების დროს"(1971),  "კვება ქრონიკული გასტრიტების დროს"(1978), "ზოგიერთი ალიმენტური კანცეროგენული ფაქტორები და ავთვისებიანი სიმსივნეების პროფილაქტიკა"(1979), "სამკურნალო კვება"(1993). ჰიგიენისტი, ექიმი-დიეტოლოგი მედიცინის მეცნიერებათა დოქტორი (1986): პროფესორი(1987).

საკანდიტატო დისერტაციის თემა - "სისხლის შრატის ზოგიერთი ცილების მაჩვენებლების მდგომარეობა სისხლის მიმოქცევის უკმარისობის დროს", დაიცვა 1958 წელს; სადოქტორო დისერტაციის თემა - "საქართველოს მოსახლეობის კვების ჰიგიენური ასპექტები", დაიცვა 1985 წელს.

წყარო: საქართველო:ენციკლოპედია:ტ.1.-თბ.,1997.-გვ.26; ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.7; ენციკლოპედია "საქართველო": georgianencyclopedia.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.357

• საქართველოს მედიცინის მეცნიერებათა აკადემია, აკადემიკოსი
• ჰიგიენისტთა რესპუბლიკის სამეცნიერო საზოგადოება, თავმჯდომარე (1976-)

• 1998 - ღირსების ორდენი
  მოსახლეობის ჯანმრთელობის დაცვის საქმეში შეტანილი პირადი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისათვისა და ნაყოფიერი მოღვაწეობისათვის
• 1986 - ხალხთა მეგობრობის ორდენი

• სამკურნალო კვება (თანაავტორი). - თბილისი, განათლება სტამბაN4, 1993. - -196გვ.
• Медицинские и гигиенические проблемы питания : (რედაქტორი). - თბილისი, 1982. - -80გვ.
• სამკურნალო კვება ზოგიერთი დაავადების დროს. (ავტორი). - თბილისი, საბჭოთა საქართველო , 1971. - -51გვ.