თეიმურაზ გიგაური

დაბადების ადგილი: ქ. თბილისი.

დაამთავრა თბილისის სამხატვრო აკადემია 1960 წელს.

1961 წლიდან ეწევა პედაგოგიურ საქმიანობას; იყო თბილისის სახელმწიფო სამხატვრო აკადემიის მინა-კერამიკის კათედრის გამგე, პროფესორი. სამხატვრო გამოფენებში მონაწილეობს 1958 წლიდან. მუშაობდა ჭედური ხელოვნების, მინის მხატვრული დამუშავების, კერამიკისა და წიგნის გაფორმების დარგში. მნიშვნელოვანი ნამუშევრები: ვახტანგ გორგასლის ძეგლი (1958, პრემირებულია ძეგლისათვის გამართულ კონკურსში), თბილისის მეტროპოლიტენის სადგურ "სამასი არაგველის" პანო, "გამარჯვება", "სვანის პორტრეტი", "ეს არ უნდა განმეორდეს!" , "ირემი"-სერვიზი, "ქალის ტორსი". გააფორმა შოთა რუსთაველის "ვეფხისტყაოსანი" 1966 წელს, შ. ამისულაშვილის "ბალადა" და სხვ.

წყარო: საქართველო: ენციკლოპედია: ტ. 1.–თ., 1997.–გვ.614; mematiane.ge