თამაზ ალექსიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1949 წელს.

1949–1950წწ. მუშაობდა თვალის სნეულებათა ცენტრალურ რესპუბლიკურ კლინიკურ საავადმყოფოში ექიმ-ორდინატორად; 1950–1956წწ. ქ. მოსკოვის ჰელმჰოლცის სახელობის თვალის სნეულებათა სამეცნიერო-კვლევითი ინსტიტუტის უმცროს მეცნიერ-თანამშრომელად; 1956-1960წწ. თბილისის რესპუბლიკური ცენტრალური კლინიკის საავადმყოფოს, ხოლო 1960-1963წწ. თბილისის სახელმწიფო სამედიცინო ინსტიტუტის თვალის სნეულებათა კათედრის ასისტენტად; 1963-1967წწ. ამავე კათედრის დოცენტად; 1960-1966წწ. თბილისის სახელმწიფო სამედიცინო ინსტიტუტის სამკურნალო ფაკულტეტის დეკანის მოადგილედ; 1966-1974წწ. იყო თბილისის სახელმწიფო სამედიცინო ინსტიტუტის სამკურნალო ფაკულტეტის სწავლული მდივანი, კათედრის პროფესორო (1968-1988); 1988-2000წწ. თსს-ის თვალის სნეულებათა კათედრის გამგე; 2000-2001წწ. კათედრის პროფესორი; ავტორია 121 ნაბეჭდი სამეცნიერო ნაშრომისა და 2 მონოგრაფიისა, რომელიც თვალშიდა წნევის რეგულაციის დარღვევის, გლაუკომისა და ჰიპერტონიის ურთიერთდამოკიდებულების საკითხებს შეისწავლის; იყო 5 საკანდიდატო დისერტაციის ხელმძღვანელი; მრავალი სამეცნიერო ფორუმის მონაწილე: გერმანია (1969, ევროპის ოფთალმოლოგთა კონგრესი), კიევი (1976, უკრაინის ოფთალმოლოგთა საკავშირო ყრილობა), აშხაბადი (1982, ოფთალმოლოგთა საკავშირო ყრილობა). დაჯილდოებულია მრავალი მადლობითა და სიგელით. ცნობილი ოფთალმოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "მწვანე სინათლის გავლენა თვალშიგა წნევაზე", დაიცვა 1956 წელს მოსკოვში; სადოქტორო დისერტაციის თემა - "სისხლის წნევის და თვალშიდა წნევის ურთიერთდამოკიდებულება", დაიცვა 1965 წელს.

 წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.15; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.341-343

• თბილისის სახელმწიფო სამედიცინო ინსტიტუტის სამეცნიერო საბჭო, წევრი
• თბილისის სახელმწიფო სამედიცინო ინსტიტუტის სტომატოლოგიური ფაკულტეტის საბჭო, წევრი
• თბილისის სახელმწიფო სამედიცინო ინსტიტუტის ხარისხის მიმნიჭებელი საბჭო, წევრი

• 1987 - "შრომის ვეტერანის მედალი"