ილია გვერდწითელი

დაბადების ადგილი: სოფელი ხცისი, ხაშურის რაიონი.

დაამთავრა საქართველოს სახელმწიფო პედაგოგიური ინსტიტუტი 1934 წელს.

მონაწილეობდა მეორე მსოფლიო ომში. 1933 წლიდან მუშაობდა თბილისის სახელმწიფო უნივერსიტეტში; 1953–1956წწ. იყო პრორექტორი სასწავლო დარგში; 1954 წლიდან გარდაცვალებამდე იყო ორგანული ქიმიის კათედრის გამგე. 1951 წლიდან ქიმიის მეცნიერებათა დოქტორი; 1968 წლიდან საქართველოს სსრ უმაღლესი და საშუალო სპეციალური განათლების სამინისტროს ქიმიური სწავლების სამეცნიერო-მეთოდური საბჭოს თავმჯდომარე. მისი შრომები ეხება უჯერი-აცეტილენური და დიაცეტილენური ოქსინაწარმების სინტეზისა და კატალიზური გარდაქმნის საკითხებს. 

წყარო: საქართველო: ენციკლოპედია: ტ. 1.–თ., 1997.–გვ.609

• საქართველოს მეცნიერებათა აკადემიის ბიოქიმიის სამეცნიერო საბჭო, თავმჯდომარე (1967-)
• საქართველოს მეცნიერებათა ეროვნული აკადემია, წევრ–კორესპონდენტი (1967-)
• საქართველოს უმაღლესი და საშუალო სპეციალური განათლების სამინისტროს ქიმიის სწავლების სამეცნიერო– მეთოდური საბჭო, თავმჯდომარე (1969-)

• 1980 - პეტრე მელიქიშვილის სახელობის პრემია
• 1963 - საქართველოს მეცნიერებათა დამსახურებული მოღვაწე
• სამამულო ომის II ხარისხის ორდენი