თამარ გვერდწითელი

დაბადების ადგილი: ქ. თბილისი.

დაამთავრა თბილისის პეტრე სარაჯიშვილის სახელობის კონსერვატორია 1984 წელს; ამავე კონსერვატორიის საკომპოზიციო ფაკულტეტი 1990 წელს.

1971–1979წწ. იყო თბილისის მოსწავლე ახალგაზრდობის სასახლესთან არსებული ვოკალურ–საკრავიერი ანსამბლის "მზიურის" სოლისტი; 1984–1995წწ. იყო საქართველოს ტელე–რადიოს საესტრადო სიმფონიური ორკესტრის სოლისტი; 1991 წელს გვერდწითელი თავისმა ფრანგმა აგენტმა პარიზში მიიწვია, სადაც მიშელ ლეგრანი და ჟან დრეჟაკი გაიცნო. სწორედ იმხანად დაიდო მისი პირველი კონტრაქტი ლეგრანთან და პარიზის "ოლიმპიაში" მისი პირველი კონცერტიც გაიმართა; მოღვაწეობს რუსეთში. კონცერტებს მართავს მსოფლიოს მრავალ ქვეყანაში. არის არაერთი საერთაშორისო კონკურსისა და ფესტივალის გამარჯვებული, მათ შორის: ბიჭვინთის რესპუბლიკური ფესტივალი "ბიჭვინთა–77" (1977), საკავშირო სიმღერის ფესტივალი (დნეპროპეტროვსკი, 1981), სიმღერის საერთაშორისო ფესტივალი "სოჭი–81" (1981), დრეზდენის შლაგერ–ფესტივალი (1982), სიმრერის საერთაშორისო კონკურსის "ოქროს ორფეოს–88" I პრიზი (ბულგარეთი,  1988) და სხვ. ესტრადის მომღერალი. 

წყარო: საქართველო: ენციკლოპედია: ტ. 1.–თ., 1997.–გვ.60;  წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.138

• 2004 - რუსეთის სახალხო არტისტი
• 1998 - ღირსების ორდენი
  თანამედროვე ქართული საესტრადო ხელოვნების განვითარების, მისი პოპულარიზაციის საქმეში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვის
• 1989 - საქართველოს დამსახურებული არტისტი
• 1984 - საკავშირო კომკავშირის პრემია
• 1983 - საქართველოს კომკავშირის პრემია