ლევან გველესიანი

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1931 წელს; თბილისის სახელმწიფო კონსერვატორია 1933 წელს.

1924–1935წწ. უკრავდა საქართველოს ახალგაზრდა მუსიკოსთა საზოგადოების სიმებიან ორკესტრსა და რუსთაველის თეატრის ორკესტრში. 1942–1971წწ. მუშაობდა თბილისის ნაგებობათა და ჰიდროენერგეტიკის სამეცნიერო–კვლევით ინსტიტუტში ჯერ ლაბორატორიის ხელმძღვანელად, შემდეგ - დირექტორის მოადგილედ სამეცნიერო დარგში; მისი შრომები ეხება ჰიდროენერგეტიკული კვანძების სათავე ნაგებობათა წყალსაცავების დალამვისა და მთის მდინარეთა ნატანის დინამიკის საკითხებს. მან პირველმა დაამუშავა საქართველოს მდინარეთა მყარი ნატანის მახასიათებლების განსაზღვრისა და წყალსაცავების გარეცხვის მეთოდები. მეცნიერი ჰიდროტექნიკის დარგში, საქართველოს ტექნიკური უნივერსიტეტის პროფესორი (1971).

წყარო: საქართველო: ენციკლოპედია: ტ. 1.–თ., 1997.–გვ.607; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.74-75

• ენერგეტიკული მრეწველობის სამეცნიერო-ტექნიკური საზოგადოება, წევრი
• სსრკ რნერგეტიკოსთა საზოგადოება, წევრი (1962-)
• ჰიდრავლიკური კვლევის საერთაშორისო ასოციაციის საკავშირო ეროვნული კომიტეტი, წევრი (1960-)

• 1962 - საქართველოს დამსახურებული ინჟინერი

• მთის მდინარეებზე ჰიდროელექტროსადგურების წყალსაცავების დალამვა და მასთან ბრძოლის ღონისძიებანი (თანაავტორი). - თბილისი, საბჭ. საქართველო, 1964. - 41გვ.